Ezek. 19 - Bhaibheri Rakachena muChindau

Nduyo yoKutsumba

¹ Asi iwewe, ita chiriro ngendaa yevatongi vaIsuraeri,

² newe uti, mai enyu vaiya mhondoro yehadzi pakati pemhondoro! Wakaata pashi pakati pemhondoro itsva yechirera matuhwa ayo pakati pemhondoro itsva.

³ Yakakudza rimwe rematuhwa ayo; naro rakaita mhondoro itsva, yakadzidza kubata zvokudya; ikadya vanhu.

⁴ Madzinza akaridza mhere ngendaa yayo, nayo yakabatwa muhunza yavo; vakaibudisa ngezviquiko kuiunza kunyika yeEgipite.

⁵ Naapo yaona kuti kugonda kwayo akuzi kuitika, yakatora duhwa rayo rimweni ikariita mhondoro itsva.

⁶ Yakahamba hamba pakati pemhondoro; yakaita mhondoro itsva, yakadzidza kubata zvokudya, ikadya vanhu.

⁷ Yakaputsira pashi ngome dzavo, ikaparadza madhorobha avo; nyika yakatyiswa, navo veshe vaiya mukati mwayo, ngokubhonga kwayo.

⁸ Madzinza akaema kurwa nayo kubva kumarutii eshe enyika, akatambanudza mambure padera payo; yakabatwa muhunza yavo.

⁹ Ngezviquiko vakaiisa muchizarira, nokuiunza kunamambo weBhabhuroni; vakaiunza muchizarira chakagwinya, kuti izwi rayo risachazozwika nakamwe padera pemitunhu yaIsuraeri.

¹⁰ “Mai vako vaiya vakatodzana nomuvhini mumunda womuvhini, wakasimirwa pasinde pemvura; wakabereka zvakawanda nematai mazhinji ngendaa yemvura zhinji.

¹¹ Guri rawo rakagwinya rinoita ndonga dzaavo vanotonga; nechiemo chake chakakuriswa pakati pematai akatsikana; wakaoneka muurebu hwake nouzhinji hwematai ake.

¹² Asi wakabvitwa muushungu hukuru, ukakandirwa pashi pamavhu, nedutu rokumabvazuva rakauomesa; michero yawo yakakaiwa kubvapo, guri rawo rakagwinya rakafota; nomuriro wakaupedza.

¹³ Zvino wasimirwa mushango, munyika yakaoma neinenyota.

¹⁴ Nomuriro wabuda kubva paguri rawo, wapedza matai nemichero yawo, ndizvo aachina guri rakagwinya rokuita ndonga yokutonga. Ichi chiriro, chinozoshandiswa kuitwa chiriro.”