EKISEDHUSI 39 - Bhaibheri Rakachena muChindau

Kunasira zvoKusimira zveVapristi

¹ Vakaita zvokusimira zvakanasa kunaka zvakaitwa ngezvakarukwa zvakasvipirika, zvakatsvukuruka, zvakatsvuka, zvokusimira zvaavo vaishanda mundau yakachena, vakaita zvokusimira zvakacheneswa zvaAroni, kudai ngezvaakapanga Mambo Mwari kunaMosi.

² Naye wakaita efodhi ngomukore, akasvipirika, akatsvukuruka, akatsvuka, neorukangaza rwakanaka, rwakakoshwa.

³ Naavo vakapfura mukore kuita maruepepe, vakaachekera kuita tambo dzokutunga ndidzo akatsvukuruka, akatsvuka, neorukangaza rwakanaka, mushando wengwazi yokutunga.

⁴ Vakaitira efodhi mabhande epamapfudzi aro, akarimbanidzwa periri pamakhona mairi.

⁵ Nebhande rakarukwa ngoungwazi, padera paro, kurisunga ndiro, raiya rakanasirwa ngechiro chimwecho naro, romukore, nezvakarukwa zvakasvipirika, zvakatsvukuruka, zvakatsvuka, nezverukangaza rwakanaka rwakakoshwa, kudai ngezvaakapanga Mambo Mwari kunaMosi.

⁶ Vakatsetsa mapuwe eonikisi, akanamwa muhata dzomukore, akanangurwa kudai ngokunangurwa kwendandazi, kudai ngokuteererana kwemazina evana vaIsuraeri.

⁷ Wakaisa padera pemabhande epamapfudzi eefodhi, kuti mapuwe aite mukarakadziso wevana vaIsuraeri, kudai ngezvaakapanga Mambo Mwari kunaMosi.

Kunasira choKufukidza Diti

⁸ Wakaita chokungwarira diti, mushando wengwazi, kudai ngokuitwa kweefodhi; wakariita ngomukore, nezvakarukwa zvakasvipirika, zvakatsvukuruka, zvakatsvuka, nezvorukangaza rwakanaka rwakakoshwa.

⁹ Marutii acho aiya akaedzana; vakaita chokungwarira diti chakapetwa; urebu hwacho hwaiya masendimitha makumi mairi namairi, chakapetwa.

¹⁰ Vakaisa mukati mwacho misara mirongomuna yemapuwe. Musara wesardhiusi, topazi, nekhabhunikeri ndiwo waiya musara wokutanga;

¹¹ nomusara wechipiri waiya neemerodhi, safire, nedhaimondi;

¹² nomusara wechitatu waiya nejakinithi, agate, neametisti;

¹³ nomusara wechirongomuna waiya nebheriri, onikisi, nejasipa; aiya akanamwa muhata dzomukore.

¹⁴ Pakaiswa mapuwe gumi namairi nemazina awo akadai ngemazina evana vaIsuraeri, kudai ngokunangurwa kwendandazi, rimwe ngarimwe rakanangurwa zina raro, emadzinza gumi namairi.

¹⁵ Navo vakaita padera pechokungwarira diti maketani akadai ngebote romukore wakaera.

¹⁶ Vakaita zvinemeso zviiri zvomukore, nendandazi mbiri dzomukore, vakaisa ndandazi mbiri pamakhona mairi echokungwarira diti.

¹⁷ Vakaisa mapote mairi akarukwa omukore mukati mwendandazi mbiri pamupendero wechokungwarira diti.

¹⁸ Magumo mairi emapote mairi akarukwa aakabatanidza pamberi pamapfudzi eefodhi.

¹⁹ Zvino vakaita ndandazi mbiri dzomukore, vakadziisa pamakhona mairi echokungwarira diti, parutii rwacho rwomukati, pasinde neefodhi.

²⁰ Vakaita ndandazi mbiri dzomukore, vakadzisungira mberi ngepashi pemapfudzi mairi eefodhi, pezvinosunganidzwa padera pebhande rakarukwa ngoungwazi reefodhi.

²¹ Vakasunga chokungwarira diti ngendandazi dzacho kundandazi dzeefodhi, ngechitambo chakasvipirika, kuti chiwe padera pebhande rakarukwa ngoungwazi reefodhi, kuitira kuti chokungwarira diti chisazosunhurwa kubva kuefodhi, kudai ngezvaakapanga Mambo Mwari kunaMosi.

Kunasirwa kweZvokusimira Zvimweni zveVapristi

²² Wakanasirawo gauni reefodhi ngezvakarukwa, zveshe zvakasvipirika.

²³ Neuri raiya pakati payo, raiya rakadai ngeuri riri pagauni rokurwa, rine mupendero kutendenedza uri raro, kuti risazobauka.

²⁴ Pamipendero yegauni vakarukira maphomegraniti akasvipirika, akatsvukuruka, akatsvuka neorukangaza rwakakoshwa.

²⁵ Vakanasira zvisimbi zvinoridzwa zvemukore zvakaeriswa, vakaisa zvinorira pakati pemaphomegraniti pamupendero wegauni kuritendenedza.

²⁶ Simbi yokuridza nephomegraniti, simbi yokuridza nephomegraniti, pamipendero yegauni kuritendenedza, rokusimira echiita mushando, kudai ngezvaakapanga Mambo Mwari kunaMosi.

²⁷ Vakaita mabhachi akarukwa orukangaza rwakanaka aAroni neevakororo vake,

²⁸ nechiqoko chorukangaza rwakanaka, nezviqoko zvakanaka zvorukangaza rwakanaka, nemaburuku orukangaza rwakanaka rwakakoshwa,

²⁹ nebhande rorukangaza rwakanaka rwakakoshwa, nezvakarukwa zvakasvipirika, zvakatsvukuruka, nezvakatsvuka, mushando womunemesi, kudai ngezvaakapanga Mambo Mwari kunaMosi.

³⁰ Vakaita rusamba rwedzungudza rwakacheneswa ngomukore wakaera, vakanyora padera parwo chinyoro, kudai ngokunangurwa kwendandazi, kuti, “RWAKACHENESWA KUNA MAMBO MWARI.”

³¹ Vakasungira kweriri tambo yakarukwa ngezvakasvipirika, kuisungira pachiqoko ngepadera, kudai ngezvaakapanga Mambo Mwari kunaMosi.

Kupedziswa kwoMushando

³² Ndizvo wakapera mushando weshe wethabhenakeri retende romushongano; nevana vaIsuraeri vakaita kudai ndizvo zveshe zvaakapanga Mambo Mwari kunaMosi, ndizvo vakaita kudaro.

³³ Vakaunza thabhenakeri kunaMosi, tende, nezvidziyo zvaro zveshe, zvikoreko zvaro, mwamba yaro, marukasha aro, sika dzaro, nezvigadzikiro zvaro;

³⁴ nechifukidziro chematoo emagondohwe chakatsvukiswa, nechifukidziro chematoo emadenhe, nejira rokusitira;

³⁵ bhokisi rechitenderano, nemipingo yaro, nechigaro chenyasha;

³⁶ tafura, nezvidziyo zvaro zveshe, nechingwa chokuwapo kwaMambo Mwari;

³⁷ chigadzikiro chezvibani chomukore wakaera, nezvibani zvacho, nezvibani zvakanasirirwamwo, nezvidziyo zveshe zvacho, nemafuta ezvibani;

³⁸ nearita romukore, nemafuta okudzodza, nomutombo wokupisha unegwema rakanaka, nejira rokusitira repamusiwo petende;

³⁹ arita rethusi, nechakarukwa chethusi chokufukidza, nemipingo yaro, nezvidziyo zveshe zvaro, chokushambiramwo, nechigadzikiro chacho;

⁴⁰ machira okusitira oruwanze, sika dzarwo nezvigadzikiro zvadzo, nemachira epamusiwo weruwanze, mapote arwo nehoko dzarwo; nezvidziyo zveshe zvomushando wethabhenakeri, dzetende romushongano;

⁴¹ zvokusimira zvakanasa kurukwa zvokushanda nazvo mundau yakachena, nezvokusimira zvakacheneswa zvaAroni mupristi, nezvokusimira zvevakororo vake, zvokushandisa mumushando woupristi.

⁴² Kudai ndizvo zveshe zvaakapanga Mambo Mwari kunaMosi, ndizvo vana vaIsuraeri vakaita mushando weshe.

⁴³ NaMosi wakaringira mushando weshe, akaona kuti vaiya vauita kudai ngezvaakapanga Mambo Mwari, ndizvo vaiya vauita; Mosi wakavadakadzisa.