EKISEDHUSI 37 - Bhaibheri Rakachena muChindau

Kuakwa kweBhokisi reChitenderano

¹ Bhezareri wakaita bhokisi rechitenderano ngomuti wehlofunga; urebu hwaro hwaiya masendimitha zana negumi rimwe, upamhu hwaro hwaiya masendimitha makumi matanhatu namatanhatu nokuturama kwaro kwaiya masendimitha makumi matanhatu namatanhatu kukwira mudenga.

² Wakariseta ngomukore wakaera, mukati nokubanze, akaita hata kuritendenedza.

³ Naye wakariumbira ndandazi murongomuna dzomukore, mumirenje mirongomuna yaro; ndandazi mbiri kurutii rumwe rwaro nendandazi mbiri kurutii rumweni rwaro.

⁴ Wakaita mipingo yehlofunga, akaiseta ngomukore.

⁵ Wakapinza mipingo mukati mwendandazi dziri pamarutii ebhokisi rechitenderano, kuritwara ndiyo.

⁶ Wakaita chigaro chenyasha ngomukore wakaera; urebu hwacho hwaiya masendimitha zana negumi rimwe, noupamhu hwacho hwaiya masendimitha makumi matanhatu namatanhatu.

⁷ Wakaita makherubhi mairi ngomukore wakapfurwa, wakaaisa kumagumo mairi echigaro chenyasha,

⁸ kherubhi rimwe kumagumo amwe, nekherubhi rimweni kumagumo amweni; wakaarimbanidza kuita chiro chimwe nechigaro chenyasha, wakaisa makherubhi kumarutii acho mairi.

⁹ Makherubhi akatambanudza maphaphiro awo mudenga, echithibikira padera pechigaro chenyasha ngemaphaphiro awo, nehope dzawo dzakaringirana rimwe kunerimweni; hope dzemakherubhi dzakaringira kuchigaro chenyasha.

Kunasirwa kweTafura reChingwa Chinopirwa kunaMwari

¹⁰ Wakanasirawo tafura ngomuti wehlofunga; urebu hwaro hwaiya masendimitha makumi masere nemasere, noupamhu hwaro hwaiya masendimitha makumi marongomuna namarongomuna nokuturama kwaro kwaiya masendimitha makumi matanhatu namatanhatu kukwira mudenga.

¹¹ Naye wakariseta ngomukore wakaera, akariitira hata yomukore kuritendenedza.

¹² Wakaitira rukasha rwakadai ngenyara kupamhama, kuritendenedza, akaita hata yomukore padera perukasha kurutendenedza.

¹³ Wakauumbira ndandazi murongomuna dzomukore, akadziisa pamakhona marongomuna awo padera pemirenje mirongomuna yaro.

¹⁴ Ngepasinde perukasha paiya nendandazi, dzokutwarisa ndidzo ngemipingo yokutwara tafura.

¹⁵ Wakaita mipingo ngomuti wehlofunga, akaiseta ngomukore, yokutwara ndiyo tafura.

¹⁶ Wakaita zvidziyo zvokugadzika padera petafura, ndiro dzaro, nemikheyo yaro, nemikangasi yaro, netsani dzaro dzokudurura ndidzo, zvaiya zvomukore wakaera.

Kuitwa kweChigadzikiro cheChibani

¹⁷ Wakaita chigadzikiro chechibani ngomukore wakaera. Chigadzikiro nechibato chakaitwa ngomukore wakapfurwa; netsani dzacho, chibato chacho nemashakani acho zvakaita chiro chimwecho.

¹⁸ Dzaiyapo mhanda nhanhatu dzaibuda kubva kumarutii acho; mhanda nhatu dzaibuda kurutii rumwe rwacho, nemhanda nhatu dzaibuda kurutii rumweni rwacho;

¹⁹ tsani nhatu dzakaumbwa kudai ngemaruva earimondi pamhanda imwe nefundo nemaruva; tsani nhatu dzaiya pamhanda imweni, dzakaumbwa kudai ngemaruva earimondi, nefundo nemaruva; ndizvo mhanda nhanhatu dzaibuda kubva kuchigadzikiro chechibani.

²⁰ Muchigadzikiro chechibani dzaiyapo tsani murongomuna dzakaumbwa kudai ngemaruva earimondi, nemafundo adzo nemaruva adzo.

²¹ Fundo pashi pematai mairi rakabuda kwechiri, nefundo pashi pematai mairi rakabuda kwechiri, nefundo pashi pematai mairi rakabuda kwechiri.

²² Mafundo azvo nemhanda dzazvo zvaiya zvakarimbana nacho; cheshe chaiya chiro chimwe chakapfurwa ngomukore wakaera.

²³ Wakaita zvibani zvacho zvinomwe, nembato dzacho, nendiro dzokudusira marota, dzomukore wakaera.

²⁴ Wakachiita nemidziyo yacho yeshe yetarenta romukore wakaera.

Kunasirwa kweArita roKupishira Mutombo Unegwema Rakanaka

²⁵ Wakaita arita rokupishira mutombo unegwema rakanaka ngomuti wehlofunga; urebu hwaro hwaiya masendimitha makumi marongomuna namarongomuna, nokupamhama kwaro kwaiya masendimitha makumi marongomuna namarongomuna, raiya namarupande marongomuna akaedzana; nokuturama kwaro kwaiya masendimitha makumi masere nemasere; nyanga dzaro dzaiya dzechigurwa chimwe chakarimbana naro.

²⁶ Wakariseta ngomukore wakaera, padera paro, nemarutii aro kuritendenedza, nenyanga dzaro; naye wakaita hata yomukore kuritendenedza.

²⁷ Wakaita ndandazi mbiri dzomukore ngepashi pehata yaro, padera pemarutii mairi aro akapesana, kuita pokuritwara ndipo ngemipingo.

²⁸ Wakaita mipingo yomuti wehlofunga, akaiseta ngomukore.

Kunasirwa kweMafuta oKudzodza noMutombo Unegwema Rakanaka

²⁹ Wakaita mafuta akacheneswa okudzodza, nomutombo wokupisha wakaera wakabvengedzwa inegwema rakanaka, kudai ngomuitiro womunasiri wemitombo inegwema rakanaka.