Dhuto. 34 - Bhaibheri Rakachena muChindau

Rufu rwaMosi

¹ NaMosi wakakwira kubva mumabani eMoabhi kuenda kuMutunhu Nebho, padera poMutunhu Phisiga, wakaringirana neJerikho, naMambo Mwari wakamupangidzira nyika yeshe yeGireadhi, metsa kuguma Dhani,

² nenyika yeshe yeNafitari, nenyika yeEfuremu, neyaManase, nenyika yeshe yaJudha, metsa kuguma kuruandhle rwokumabirirazuva,

³ nokubani, norukaro rwebani rweJerikho, dhorobha remibvumo, metsa kuguma Zoa.

⁴ Mambo Mwari wakati kwaari, “Iyi ndiyo nyika yendakapika ndiyo kunaAbrahama, nokunaIsaka, nokunaJakobe, ndechiti, ‘Ndinozoipa kumibarirwana yako.’ Ndaita kuti uione ngemadziso ako, asi auzopoterimwo.”

⁵ Ndizvo Mosi muranda waMambo Mwari wakafira umwo munyika yeMoabhi, kudai ngokuronza kweizwi raMambo Mwari.

⁶ Naye wakamutsira mubani renyika yeMoabhi, iro rakaringirana neBhethipeori, asi akuna munhu unozia pane iba rake metsa nanyamashi.

⁷ Mosi waiya anezana nemakumi mairi emakore apo akafa; madziso ake aiya asati aita mazweezwee, simba romuiri wake raiya risati rapera.

⁸ VaIsuraeri vakachema Mosi mumarukaro eMoabhi mazuva makumi matatu; ndizvo mazuva okuchema neechiriro chaMosi akapera.

⁹ Joshua mukororo waNuni wakazadzwa ngomweya woungwaru, ngokuti Mosi waiya akaisa nyara dzake padera pake; nevaIsuraeri vakamupurutana, vakaita kudai ngezvaakapanga Mambo Mwari kunaMosi.

¹⁰ Akuzi kutongoapo muIsuraeri muprofeti ngesure kwaMosi wakadai ndiye, uwo waakazia Mambo Mwari hope kuhope.

¹¹ Akuna waiya akatodzana naye muzvioniso zveshe nemishamiso, yaakamutuma Mambo Mwari kuita munyika yeEgipite, kunaFaro nevaranda vake, nokunyika yake yeshe,

¹² nenyara inesimba, nomukutyisa kweshe kukuru, kwaakapangidzira Mosi mukuona kwevaIsuraeri veshe.