Dha. 5 - Bhaibheri Rakachena muChindau

Dhiri raBherishaza

¹ Bherishaza mambo wakanasira dhiri rakakura revakuru vake gumi remazana (1,000), naye waimwa vhini pamberi pegumi remazana (1,000).

² Naapo akabatwa ngevhini, Bherishaza wakapanga kuti vaunze zvidziyo zvomukore nezvesirivha, izvo zvaakatora Nebhukhadhineza baba ake kubva mutemperi raiya muJerusarema, kuitira kuti mambo nevakuru vake, vakadzi vake nemabunha ake, vamwe ndizvo.

³ Ndizvo vakaunza zvidziyo zvomukore nesirivha zvakabva mutemperi, mhatso yaMwari muJerusarema; namambo nevakuru vake, vakadzi vake nemabunha ake, vakamwa ndizvo.

⁴ Vakamwa vhini, vakakudza zvimwari zvomukore, zvesirivha, zvethusi, zvesimbi, zvemiti nezvemapuwe.

⁵ Ngokukasira kwakabuda zvinwe zvenyara yomunhu, zvikanyora pakasetwa parukumbati rwengome youmambo pasinde nechigadzikiro chechibani; Mambo wakaringisisa nyara apo yechinyora.

⁶ Zvino hope yamambo yakatsanduka, nemipinimidzo yake yakamutyisa. Nhengo dzechiunu chake dzakarungunuka, nemabvi ake akachayana.

⁷ Mambo wakadaidzira ngeizwi guru kuti kuunzwe vanomukirwa, vaKharadhea nevafemberi. Mambo wakati kuvanhu vakangwara veBhabhuroni, “Kunyazwi ndiani unozodzidza izvi zvakanyorwa, nokundidudzira zvezvinoronza, unozopfekeswa ngezvakatsvukuruka, neketani yomukore muhuro mwake, naye unozoita mutongi wechitatu muumambo.”

⁸ Zvino vakapotera vanhu veshe vakangwara vamambo, asi avazi kukona kudzidza zvakanyorwa, nokuti kududzira mambo kuti zvinoronzenyi.

⁹ Zvino mambo Bherishaza wakatyiswa kakurutu, nehope yake yakatsanduka, nevakuru vake vakakangaidzwa.

¹⁰ Vahosi, apo vazwa ngendaa yemazwi amambo nevakuru vake, vakapotera mumhatso yokudya. Vahosi vakati, “O mambo, pona mhera nariini! Mipinimidzo yako isakutyisa, nehope yako isatsanduka.

¹¹ Uripo munhu muumambo hwako, unogarwa ngomweya wezvimwari zvakachena mukati mwake. Mumazuva ababa ako kujeka nokuzwisisa noungwaru kudai ngoungwaru hwezvimwari zvakaoneka mwaari. Mambo Nebhukhadhineza, baba ako, vakamuita mukuru weman'anga, wevanomukirwa, nevaKharadhea, nevafemberi,

¹² ngokuti mweya wakanakisisa, nokuzia, nokuzwisisa, kududzira hope, nokuonisa ndaa dzakafishika, nokuparadza zvinopingaidza wakaoneka mwaari Dhanieri, uwo waakadudza mambo kuti Bheriteshaza. Zvino Dhanieri ngaadaidzwe, naye unozoonisa kududzirwa.”

Dhanieri Unodudzira Chinyorwa

¹³ Zvino Dhanieri wakaunzwa pamberi pamambo. Namambo wakati kunaDhanieri, “Ndiwe here Dhanieri, umwe wevana vakachakatwa vaJudha, vaakaunza mambo baba angu kubva kwaJudha?

¹⁴ Ndakazwa ndiwe kuti mweya wezvimwari uri mukati mwako, nokuti kujeka nokuzwisisa noungwaru zvakanakisisa zvinooneka mwouri.

¹⁵ Zvino vanhu vakangwara, vanomukirwa, vakaunzwa mukati pamberi pangu, kuti vadzidze zvakanyorwa izvi, vadudzire kwendiri zvezvinoronza; asi vakakorera kududzira zvezvinoronza.

¹⁶ Asi ndazwa ndiwe, kuti unokona kududzira, nokuparadza zvinopingaidza. Zvino kudai wechikona kudzidza zvakanyorwa nokundiziisa zvezvinoronza, unozopfekeswa ngezvakatsvukuruka, unozoisa ketani yomukore muhuro mwako, unozoita mutongi wechitatu muumambo.”

¹⁷ Zvino Dhanieri wakapingura, akati pamberi pamambo, “Zvipo zvako ngazvigare newe, nemithuso yako ipuwe kunoumweni; asi ndinozodzidza zvakanyorwa kunamambo, nokududzira zvezvinoronza.

¹⁸ O mambo, Mwari Uri-padera-pezveshe wakapa Nebhukhadhineza, baba ako, umambo, kukura, uthende nokuremeredzwa.

¹⁹ Ngendaa yokukura kwaakamupa, vanhu veshe, madzinza nendimi vakahuta nokutya pamberi pake. Wakauraya uwo waaida kuuraya, nokuponesa uwo waaida kuponesa; nouwo waaida kumirudza waimumirudza, nouwo waaida kudzasa pashi waimudzasa pashi.

²⁰ Asi apo mwoyo wake wadzikudza, nomweya wake wakonzeswa ngokudzikudza, wakabviswa padendemaro roumambo hwake, navo vakamutorera uthende hwake.

²¹ Wakadzingwa kubva pakati pevanhu, nomwoyo wake wakaitwa kudai ngewemhuka, nougaro hwake hwakaa pamwepo nembizi; wakapuwa mwenje wokudya kudai ngen'ombe, nomuiri wake wakanyakatiswa ngebeto romudenga, metsa paakazia kuti Mwari Uri-padera-pazveshe unotonga muumambo hwavanhu, nokuuemesa padera peuwo waanoda.

²² “Newe mukororo wake, A Bherishaza, auzi kupfaisa mwoyo wako, kunyazwi wakazia izvi zveshe!

²³ Wakadzimirudza kurwisana naMambo womudenga. Navo vakaunza zvidziyo zvetemperi rake pamberi pako, newe nemakurukota ako, vakadzi vako nemabunha ako, mwakamwa ndizvo vhini; ukakudza zvimwari zvesirivha, zvomukore, zvethusi, zvesimbi, zvemiti nezvemapuwe, zvisikaoni nokuti kuzwa nokuti kuzia; asi Mwari uwo unomweya wako munyara mwake, nouwo unenjira dzako dzeshe, auzi kumukudza.

²⁴ Ndizvo kubva pamberi pake nyara yakatumwa, nokunyora uku kwakanyorwa.

²⁵ Neizvi ndizvo zvakanyorwa: ‘MENE, MENE, TEKELI, UFASINI.’

²⁶ Uku ndikwo kududzirwa kwazvo: MENE, Mwari wakaerenga mazuva oumambo hwako, akahupedza,

²⁷ TEKELI, iwewe wapimwa muchipimo, waoneka wakareruka;

²⁸ PHERESI, umambo hwako hwagurwa ngepakati, hukapuwa kuvaMedhe nevaPhesia.”

²⁹ Zvino Bherishaza wakapanga, navo vakapfekesa Dhanieri ngemachira akatsvukuruka, vakaisa ketani yomukore muhuro mwake, vakateketesa ndiye kuti aite mutongi wechitatu muumambo.

³⁰ Ngouhwo usiku Bherishaza mambo wevaKharadhea wakaurawa.

³¹ NaDhariusi muMedhe wakatora umambo, aane makore anoda kuita makumi matanhatu nemairi ousharuka.