Dha. 1 - Bhaibheri Rakachena muChindau

Ndaa yaDhanieri neVangani vake ( 1:1—6:28 ) Majaha muNgome yaNebhukhadhineza

¹ Mugore rechitatu rokutonga kwaJehoiakimu mambo waJudha, Nebhukhadhineza mambo weBhabhuroni wakauya Jerusarema, akarikomba.

² Mambo Mwari wakaita kuti Jehoiakimu mambo waJudha awire munyara mwake, pamwepo nezvidziyo zvimweni zvemhatso yaMwari. Izvi wakazvitwara kuenda kunyika yeShina, kumhatso yechimwari chake. Wakaunza zvidziyo kumhatso youpfumi hwechimwari chake.

³ Zvino mambo wakapanga nduna yengome yake Ashipenazi, kuti apotedze vamweni vevana vaIsuraeri, vaiya voumambo nevatongi

⁴ majaha, vasina chakashata kwevari, vakanaka, ngwazi muungwaru hweshe, vakazara ngokuzia nokuzwisisa zvinouya, ngwazi dzokuema mungome yamambo, kuti vadzidziswe dzidziso nendimi yevaKharadhea.

⁵ Mambo wakavaemesera chikoaniswa chokudya kwemazuva eshe kwamambo, zvokudya nevhini zvaidya mambo. Vaizodzidziswa makore matatu, kuitira kuti ngokupera kwawo vakone kuema mungome pamberi pamambo.

⁶ Pakati pavo paiya naDhanieri, Hanania, Mishaeri naAzaria kubva kudzinza raJudha.

⁷ Nduna yengome yamambo yakavadudza mazina amweni: Dhanieri wakadudzwa kuti Bheriteshaza; Hanania, Shadhirakhi; Mishaeri, Meshakhi; Azaria, Abhedhinego.

⁸ Asi Dhanieri wakaemesa mumwoyo mwake kuti aazodzisvipisi ngokudya nokumwa kwamambo; ndizvo wakakumbira kunenduna huru kuti asazodzisvipisa.

⁹ Zvino Mwari wakaita kuti Dhanieri aone nyasha norudo kukungurirwa pamberi penduna yengome.

¹⁰ Nduna yengome yakati kunaDhanieri, “Ndinotya mambo wangu mambo, uwo waemesa kudya kwenyu nokumwa kwenyu. Kudai echizoona hope dzenyu dzakapinda kuonda kunedzevana vamweni vari ndanga dzenyu, ngokudaro mwandiisa mungozi yokugurwa soro rangu ndimambo.”

¹¹ Zvino Dhanieri wakakumbira mungwariri, uwo wakaemeserwa ngenduna yengome padera paDhanieri, Hanania, Mishaeri, naAzaria,

¹² “Ndapota, edza varanda vako mazuva gumi. Ngatipuwe miriwo yokudya nemvura yokumwa.

¹³ Ungazokona kuedzanisa hope dzedu kuringirika kwadzo nokuringirika kwehope dzemajaha awo vanodya kudya kwamambo; newe uitire varanda vako kudai ngezvounoona.”

¹⁴ Ndizvo wakatenderana nokukumbira uku, akavaedza mazuva gumi.

¹⁵ Pakupera kwemazuva gumi, hope dzavo dzakaoneka dzakapinda kunaka, nokupinda kukora kune dzemajaha awo aidya kudya kwamambo.

¹⁶ Ndizvo mungwariri wakaangira kubvisa kudya kwavo kwoumambo nevhini revaizomwa, akavapa miriwo.

¹⁷ Kune aya majaha marongomuna, Mwari wakavapa kuzia ungwazi mukudzidza kweshe nomuungwaru; Dhanieri wakazwisisa zvioniso zveshe nehope dzairotwa.

¹⁸ Pakupera kwenguva yakaemeswa ndimambo kuti vapotedzwe mukati, nduna yengome yakavapotedza pamberi paNebhukhadhineza,

¹⁹ namambo wakaereketa navo. Nepakati pavo veshe akuna naumwe wakaoneka akadai ndiDhanieri, Hanania, Mishaeri naAzaria; ndizvo vakaemeswa pamberi pamambo.

²⁰ Nomundaa dzeshe dzoungwaru dzokuzwisisa nokuzia zvaakavabvunza ndizvo mambo, wakaona kuti vaipinda kunaka kagumi kuneman'anga eshe nevanomukirwa vaiya muumambo hwake hweshe.

²¹ NaDhanieri wakaangira kugarapo metsa gore rokutanga ramambo Sairusi.