Chakapangijihwa 8 - Bhaibheri Rakachena muChindau

Chinamiro chechiNomwe

¹ Naapo abeura chinamiro chechinomwe, kwakaapo kunyarara mudenga mukuwo unoda kuguma pakati peawa.

² Zvino ndakaona ngirosi nomwe dzakaema pamberi paMwari, dzakapuwa hwama nomwe.

³ Nengirosi imweni yakauya ikaema pasinde pearita, inechidziyo chomukore chokupishira mutombo unegwema rakanaka; yakapuwa mutombo wakawanda wokupisha unegwema rakanaka, kuti ipire padera pearita romukore raiya pamberi pechigaro choumambo pamwepo nemikumbiro yevakacheneswa veshe.

⁴ Nechiushi chomutombo wokupisha unegwema rakanaka chakakwira, pamwepo nemikumbiro yevakacheneswa, pamberi paMwari chechibuda kubva munyara yengirosi.

⁵ Zvino ngirosi yakatora chidziyo chokupishira mutombo nayo yakachizadza ngomuriro waibva paarita, ikaukandira padera penyika; kwakaapo kutinhira nemazwi makuru nemheni nokuzungunyika kwenyika.

Hwama Nomwe

⁶ Zvino ngirosi nomwe dzaiya hwama nomwe dzakanasirira kudziridza.

⁷ Ngirosi yokutanga yakaridza hwama yayo, kwakaapo matsanza nomuriro, zvakabvengedzwa nengazi, izvo zvakakandirwa padera penyika; norupande rwechitatu rwenyika rwakapishwa, norupande rwechitatu rwemiti rwakapishwa, nomwenje weshe muishi wakapishwa.

⁸ Ngirosi yechipiri yakaridza hwama yayo, nechakadai ngomutunhu mukuru, chinobaka ngomuriro, chakakandirwa muruandhle. Norupande rwechitatu rworuandhle rwakaita ngazi,

⁹ norupande rwechitatu rwezvisikwa zvinopona zvomuruandhle zvakafa, norupande rwechitatu rwengarava rwakaputswa.

¹⁰ Ngirosi yechitatu yakaridza hwama yayo, nenyeredzi huru yakawa kubva mudenga, yechibaka kudai ngesasi, yakawira padera porupande rwechitatu rwendwizi nepadera pezvinyuka zvemvura.

¹¹ Zina renyeredzi rakazwi, Chinovava; norupande rwechitatu rwemvura rwakavaviswa, nevanhu vazhinji vakafa ngemvura iyo ngokuti yaivava.

¹² Ngirosi yechirongomuna yakaridza hwama yayo, norupande rwechitatu rwezuva rwakafurwa, norupande rwechitatu rwemwedzi, norupande rwechitatu rwenyeredzi, kuti rupande rwechitatu rwokujeka kwazvo kudzime; nemasikati asazojeka rupande rwawo rwechitatu nousiku ngokudaro.

¹³ Zvino ndakaringira, ndikazwa godzi rechichema ngeizwi guru rechimbururuka pakati pomudenga rechiti, “Ihehe, ihehe, ihehe kwavari vanogara padera penyika, ngendaa yemazwi amweni ehwama dzengirosi nhatu dzichazoridza.”