Chakapangijihwa 7 - Bhaibheri Rakachena muChindau

Vanhu vaIsuraeri 144,000

¹ Ngesure kweizvi ndakaona ngirosi murongomuna dzakaema kumarutii marongomuna enyika dzakabata madutu marongomuna enyika kuti risaapo dutu rinofuridza panyika nokuti muruandhle nokuti padera pomuti weshe.

² Zvino ndakaona ngirosi imweni yechikwira kubva kumabvazuva, ine chinamiro chaMwari unopona, nayo yakadaidzira ngeizwi guru kungirosi murongomuna dzakapuwa simba rokushaishira nyika noruandhle,

³ yechiti, “Musashaishira nyika nokuti ruandhle nokuti muti naumwe, metsa taisa chinamiro pahuma dzevaranda vaMwari wedu.”

⁴ Ndakazwa uwandu hwaavo vakanamirwa, vaiya zana namakumi marongomuna namarongomuna emakumi emazana, vakaisirwa chinamiro kubva kudzinza rimwe ngarimwe revana vaIsuraeri:

⁵ Kudzinza raJudha vakaisirwa chinamiro makumi emazana ari gumi namairi, (12,000) kudzinza raRubheni makumi emazana ari gumi namairi, (12,000) kudzinza raGadhi makumi emazana ari gumi namairi, (12,000)

⁶ kudzinza raAsha makumi emazana ari gumi namairi, (12,000) kudzinza raNafitari makumi emazana ari gumi namairi, (12,000) kudzinza raManase makumi emazana ari gumi namairi, (12,000)

⁷ kudzinza raSimeoni makumi emazana ari gumi namairi, (12,000) kudzinza raRevhi makumi emazana ari gumi namairi, (12,000) kudzinza raIsakha makumi emazana ari gumi namairi, (12,000)

⁸ kudzinza raZebhuruni makumi emazana ari gumi namairi, (12,000) kudzinza raJosefa makumi emazana ari gumi namairi, (12,000) kudzinza raBhenjamini vakaisirwa chinamiro makumi emazana ari gumi namairi (12,000).

Mbungano Hurutu

⁹ Ngesure kweizvi ndakaringira, ndikaona mbungano huru isina munhu ungakona kuierenga, inobva kumadzinza eshe nemarusinga eshe nevevanhu veshe nevendimi dzeshe, vakaema pamberi pechigaro choumambo nepamberi peGwai, vakapfeka zvakachena, vane matai emijindwi munyara dzavo.

¹⁰ Vakadaidzira ngeizwi guru vechiti, “Ruponeso runobva kunaMwari wedu uwo unogara pachigaro choumambo, nokuneGwai!”

¹¹ Nengirosi dzeshe dzakaema dzechitendenedza chigaro choumambo, nokutendenedza vakuru nezvisikwa zvinopona zvirongomuna; dzakawa pashi ngehope dzadzo pamberi pechigaro choumambo, dzakadira Mwari

¹² dzechiti, “Ameni! Kukudzwa, uthende, ungwaru, kubonga, kuremeredzwa, simba nokugwinya ngazvigare kunaMwari wedu mhera nariini nariini! Ameni.”

¹³ Noumwe wevakuru wakabvunza echiti kwendiri, “Ndiani ava, vakapfeka zvokufuka zvakachena, vanobva kuri?”

¹⁴ Ndikati kwaari, “Mambo wangu, ndimwi munozia.” Naye wakati kwendiri, “Ava ndivo vanobuda kubva mudambudziko gurutu; navo vakasuka zvokufuka zvavo, vakazvichenesa mungazi yeGwai.

¹⁵ “Ndizvo vari pamberi pechigaro choumambo chaMwari, vanomushandira masikati nousiku mutemperi rake, nouwo unogara pachigaro choumambo unozovangwarira ngokuapo kwake.

¹⁶ Avachazozwi nzara nokuti nyota; zve, zuva arichazovapishi nokuti kupisha kumweni;

¹⁷ ngokuti Gwai riri pakati pechigaro choumambo rinozovausha nokuvatungamirira kuenda navo kuzvinyuka zvemvura yokupona, naMwari unozopukuta masodzi eshe kubva pamadziso avo.”