Chakapangijihwa 17 - Bhaibheri Rakachena muChindau

Bhabhuroni Hure rine Mbiri

¹ Zvino imwe yengirosi nomwe dzaiya nemikheyo minomwe yakauya, ikati kwendiri, “Uya pano, ndinozokupangidzira kutongwa kwehure guru rinogara padera pemvura zhinji,

² iro madzimambo enyika akaomba naro, navanogara munyika vakaradza ngevhini rokuomba kwaro.”

³ Ngirosi yakanditora kuenda neni mushango ndakabatwa ndiMweya, ndakaona mukadzi akagadha padera pechikara chakatsvuka, chakazara ngemazina okutuka, chine masoro manomwe nenyanga gumi.

⁴ Mukadzi wakapfeka zvakatsvukuruka nezvakatsvuka, nokunemeswa ngomukore nemapuwe anemutengo mukuru nemapherere, munyara mwake mwaiya netsani yomukore yakazara ngezvinonyangadza, zvine tsvina zvokuomba kwake;

⁵ nepahuma pake pakanyorwa zina rakafishika, “BHABHURONI GURU, MAI WEMAHURE NEEZVINONYANGADZA ZVENYIKA.”

⁶ Neni ndakaona mukadzi araradza ngengazi yevakacheneswa nengazi yezvapupu zvaJesu. Naapo ndakamuona, ndakashamiswa kakurutu.

⁷ Asi ngirosi yakati kwendiri, “Washamiswa ngenyi? Ndinozokuronzera biningidzo rakafishika romukadzi nerechikara chinomutwara, chine masoro manomwe nenyanga gumi.

⁸ Chikara chewaona chaiyapo, apachina, chodo kukwira kubva mumugodhi usina magumo nokuenda mukuparadzwa. Naavo vanogara munyika, vane mazina avo asikazi kunyorwa mubhuku rokupona kubvira pakusikwa kwenyika, vanozoshamiswa apo vaona chikara chaiyapo, chisiripo nechichauya.

⁹ “Ndipo panodiwa kupinimidza kuneungwaru; masoro manomwe mitunhu minomwe, apo pagarwa ngomukadzi; ndiwozve madzimambo manomwe,

¹⁰ vashanu vavo vakawa, noumwe uchiripo, noumweni aasati auya; naapo auya unosisira kuti agare mukuwo mudoko.

¹¹ Nechikara chaiyapo, zvino apana, ndicho chechisere, asi ngechimwe chezvinomwe, chinoenda mukurashwa.

¹² Nenyanga gumi dzewaona ndiwo madzimambo gumi asati aashira umambo, asi anoashira simba kudai ngemadzimambo pamwepo nechikara awa rimwe.

¹³ Avo vanomupinimidzo umwe, vanopira simba ravo nokutonga kwavo kuchikara;

¹⁴ vanozorwisana neGwai, neGwai rinozovanyisa, ngokuti ndiMambo wemadzimambo noMutongi wevatongi, naavo vanaye vanodaidzwa nokutsanangurwa nokugondeka.”

¹⁵ Nayo yakati kwendiri, “Mvura iyo yewakaona, apo pakagara hure, ndivo vanhu, zviunga, madzinza nendimi.

¹⁶ Nyanga gumi dzewaona, idzo nechikara zvinozonyenya hure; zvinozomuparadza mukumuita mutitinini, nokudya nyama yake nokumupisha ngomuriro.

¹⁷ Ngokuti Mwari wakaisa izvi mumwoyo yazvo kuti zviite kuda kwake, ngokuita zvinomupinimidzo umwe nokupa simba roumambo hwazvo kune chikara, metsa mazwi aMwari aitika.

¹⁸ Nomukadzi wowaona ndiro dhorobha guru iro rinotonga padera pemadzimambo enyika.”