2 Sam. 4 - Bhaibheri Rakachena muChindau

Ishibhoshethi Unourawa

¹ Naapo mukororo waSauri azwa kuti Abhina wafa muHebroni, nyara dzake dzakapera simba, navaIsuraeri veshe vakatambudzika.

² Mukororo waSauri waiya nevamuna vairi avo vaiya nduna dzechikwata chokuchakata; zina roumwe raiya Bhaana nezina roumweni raiya Rekhabhi. Vaiya vakororo vaRimoni muBheerothi, vedzinza raBhenjamini, (ngokuti Bheerothi wakaerengwa kuita waBhenjamini.

³ Zvino vanhu veBheerothi vakatizira Gitaimu, vachandogareyo metsa nanyamashi.)

⁴ Jonathani mukororo waSauri waiya nomukororo waiya chirema. Waiya namakore mashanu apo shoko raSauri naJonathani rakaguma kubva Jezireeri. Mungwariri wake wakamutora, akatiza; mukukasira kwake kutiza, wakawa, naye wakaita chirema. Zina rake raiya Mefibhoshethi.

⁵ Zvino vakororo vaRimoni weBheerothi, Rekhabhi naBhaana, vakaenda, vakaguma masikati kwechipisha kumhatso yaIshibhoshethi, waiya akaata pamubhedhi masikati kuzorora.

⁶ Vakapotera mukati mwemhatso, vechiita kudai ngevaida kutora koroni, vakamubaya mundani; zvino Rekhabhi naBhaana hama yake vakatiza.

⁷ Zvino vaiya vakapinda mumhatso apo akaata pamubhedhi wake, mukamera rake rokuata; vakamubaya, vakamuuraya, vakamugura soro rake, vakaritora, vakaenda vakahamba ngenjira yeArabha usiku hweshe.

⁸ Vakaunza soro raIshibhoshethi kunaDhavhidha muHebroni, vakati kunamambo, “Ringira, soro raIshibhoshethi mukororo waSauri gaa rako, uwo wakatsvaka kupona kwako; Mambo Mwari waunzidzira mukosi wangu mambo nyamashi ngendaa yaSauri nomubarirwana wake.”

⁹ Dhavhidha wakapingura Rekhabhi naBhaana hama yake, vakororo vaRimoni weBheerothi, wakati kwevari, “Kudai ngezvaanopona Mambo Mwari, uwo wakasunhura mweya wangu kubva kumadambudziko eshe,

¹⁰ naapo umwe uwo wakandironzera echiti, ‘Ringira, Sauri wafa,’ echipinimidza kuti waunza mashoko akanaka, ndakamubata, ndikamuuraya muZikiragi; uyu ndiwo waiya muthuso wendakamupa ngendaa yemashoko ake.

¹¹ Kunozopinda kwakaitawani kushata, apo vanhu vakashata vakauraya munhu wakarurama pamubhedhi wake mumhatso yake! Andizounzidziri here ngazi yake munyara dzenyu, nokumuparadza kubva munyika?”

¹² Ndizvo Dhavhidha wakapanga majaha ake, vakavauraya; vakagura nyara dzavo netsoka dzavo, vakaturika miiri yavo pasinde pegandwa muHebroni. Asi vakatora soro raIshibhoshethi, vakariika muiba raAbhina muHebroni.