2 Sam. 1 - Bhaibheri Rakachena muChindau

Dhavhidha Unozwa ngoRufu rwaSauri

¹ Ngesure kwokufa kwaSauri, naapo Dhavhidha apetuka kubva koonyisa vaAmareki, Dhavhidha wakagara mazuva mairi muZikiragi.

² Ngezuva rechitatu, ringira, munhu wakauya kubva mukamba yaSauri, nemachira ake akabauka, nemavhu padera pesoro rake. Naapo auya kunaDhavhidha, wakawa pamavhu kuremeredza.

³ Dhavhidha wakati kwaari, “Wabva kuri?” Wakati kwaari, “Ndatiza kubva mukamba yevaIsuraeri.”

⁴ Dhavhidha wakati kwaari, “Chiinyi chakaitika? Ndapota, ndironzere!” Naye wakapingura akati, “Vanhu vehondo vakatiza kubva pahondo, asiwo vanhu vazhinji vakanyiswa, vakafa; Sauri naJonathani mukororo wake vakafawo.”

⁵ Zvino Dhavhidha wakati kunejaha iro rakamuronzera, “Unozia ngenyi kuti Sauri naJonathani mukororo wake vafa?”

⁶ Jaha rakamuronzera rakati, “Ndakashonganapo paMutunhu weGiribhoa; ndakaona Sauri akatseyama pamukhondo wake; naapo ngoro nevagadhi vemahachi vaguma pasinde.

⁷ Naapo aringira sure kwake, wakandiona, akandidaidza. Ndakapingura, ‘Ndiri pano, makosi.’

⁸ Wakati kwendiri, ‘Ndiwe anani?’ Ndakamupingura, ‘Ndiri muAmareki.’

⁹ Wakati kwendiri, ‘Uya, ema pasinde pangu undiuraye, ngokuti kurwadziwa kukuru kwandibata, asi kupona kwangu kuchineni.’

¹⁰ Ndizvo ndakaema pasinde pake, ndakamuuraya, ngokuti ndakazia ngegwinyiso kuti aachaponi ngesure akawa. Ndakatora dzungudza raiya pasoro rake nebeda raiya mumuoko wake, ndakazviunza pano kunamambo wangu.”

¹¹ Zvino Dhavhidha wakabata, akabaura machira ake; nevanhu veshe vaiya naye vakaita kudaro.

¹² Vakatsumba, vakachema, vakarekera kudya metsa madeekoni, ngendaa yaSauri naJonathani mukororo wake, nevanhu vehondo vaMambo Mwari, nevemhatso yaIsuraeri, ngokuti vakawa veshe ngokupinza kweshoti.

¹³ Dhavhidha wakati kunejaha iro rakamuronzera, “Unobva kuri?” Naro rakati, “Ndiri mukororo womunhu mupara, weAmareki.”

¹⁴ Dhavhidha wakati kweriri, “Auzi kutya ngenyi kutambanudza nyara yako kuuraya wakadzodzwa waMambo Mwari?”

¹⁵ Zvino Dhavhidha wakadaidza umwe wemajaha, akati, “Kwedzera pasinde umuuraye.” Ndizvo wakamubaya, akafa.

¹⁶ Dhavhidha wakati kwaari, “Ngazi yako ngaiwe padera pesoro rako; ngokuti ngomuromo wako wakapupurira wemene wechiti, ‘Ndakauraya wakadzodzwa waMambo Mwari.’ ”

Dhavhidha Unochema Sauri naJonathani

¹⁷ Dhavhidha wakachema ngeichi chiriro padera paSauri naJonathani mukororo wake.

¹⁸ (Wakapanga kuti vadzidzise vana vaJudha Ruyo urwu rwoUta; penya rwakanyorwa muBhuku raJasha.) Wakati:

¹⁹ Uthende hwako, A Isuraeri, hwaurawa padera pendau dzako dzakakwirira! Ngwazi dzakaita mawirenyi!

²⁰ Musaereketa ndizvo muGathi, musazviparadzira mumapato eAshikeroni, kuti vanasikana vevaFiristia vasadakara, kuti vanasikana vevasikazi kuchekwa vasapembera.

²¹ Imwimwi Mitunhu yeGiribhoa, kusazoapo beto nemvura padera penyu, nokuti minda inobudisa zviyo! Ngokuti apo chihlangu chengwazi chakatsvetwa ngenjira inotsverudza, chihlangu chaSauri chadai ngechisikazi kudzodzwa ngemafuta.

²² Kubva kungazi yevakaurawa, kubva kumafuta engwazi, uta hwaJonathani auzi kupetuka, nokuti shoti yaSauri yakapetuka isina chiro.

²³ Sauri naJonathani vaidikanwa, vaiya vakanaka! Mukupona kwavo nomukufa avazi kuparadzaniswa; vaikasiririsa kupinda makodzi, vaiya nesimba kupinda mhondoro.

²⁴ Imwimwi vanasikana vaIsuraeri, chemerai Sauri, uwo wakamupfekisa ngeharahara, nangezvimweni zvinodakadzisa, uwo wakanemesa zvinemeso zvomukore padera pezvokufuka zvenyu.

²⁵ Ngwazi dzakaita mawirenyi pakati pokurwa! Jonathani wakaurawa mundau dzako dzakakwirira.

²⁶ Ndinotambudzika ndiwe, mukoma wangu Jonathani; waidikanwa kakurutu kwendiri; rudo rwako kwendiri rwaishamisa, kupinda rudo rwevakadzi.

²⁷ Ngwazi dzakaita mawirenyi, nezvokurwa zvehondo zvaparadzwa!