2 MaKro. 4 - Bhaibheri Rakachena muChindau

Zvidziyo zvomuTemperi

¹ Wakanasira arita rethusi, mamitha mapfumbamwe kureba nokupamhama, nemamitha marongomuna nehafu kukwira mudenga.

² Zvino wakanasira gandwa raiya rakatenderera remvura ngethusi yakanyunguruswa, raiya mamitha mairi nezvidoko zviiri kudzama kwaro, kuchinjika kwaro mamitha marongomuna nezvidoko zvirongomuna, kutenderera kwaro mamitha gumi nematatu nezvidoko zviiri.

³ Ngepashi paro paiya nemiedzaniso yekabi yakaritendenedza, yaiya gumi mukati mwemamitha marongomuna nehafu kutendenedza gandwa reshe; paiya nemisara miiri yemiedzaniso yekabi yakanangurwa, apo parakanyunguruswa.

⁴ Raiya rakagadzikwa padera pemiedzaniso gumi nemiiri yekabi, mitatu yakaringira dera, mitatu yakaringira kumabirirazuva, mitatu yakaringira kubani nemitatu yakaringira kumabvazuva; negandwa rakagadzikwa kudaro padera padzo. Marupande adzo eshe esure akafuratira mukati.

⁵ Noutindi hwaro hwaiya hwakadai ngokupamhama kwechanza chenyara, nomuromo waro waiya wakadai ngomuromo wekomechi, wakadai ngeruva regofa; raikwana maritha makumi matanhatu emakumi emazana (60,000) emvura.

⁶ Wakaitazve mabhasini madoko gumi okushambiramwo, akaisa mashanu ngokumudyo, nemashanu ngokumuoshwe. Mukati mwawo mwaisukirwamwo zviro zveshe zvevaishandisa kuita midiro yokupisha. Gandwa raiya revapristi kuti vagezeremwo.

⁷ Naye wakaita zvigadzikiro zvezvibani gumi zvomukore kudai ngomuemo wazvo, akazviisa mutemperi, zvishanu ngokubani nezvishanu ngedera.

⁸ Wakaitazve matafura gumi, akaaisa mutemperi, mashanu ngokumudyo nemashanu ngokumuoshwe. Wakaitazve mabhasini omukore zana.

⁹ Wakaita ruwanze rwevapristi, noruwanze rukuru, nemisiwo yoruwanze; wakaseta misiwo yawo ngethusi.

¹⁰ Wakaisa gandwa guru kurupande rwokubani ngokumabvazuva kwekhona remhatso.

¹¹ Huramu wakaita hari, mafoshoro, nemabhasini. Ndizvo Huramu wakapedza mushando waakaitira mambo Soromoni pamhatso yaMwari:

¹² sika mbiri, mikheyo, nezvipanda zviiri zvaiya padera pesika mbiri, mambure mairi okufukidzira mikheyo miiri yezvipanda, zvaiya padera pesika;

¹³ mazana marongomuna emaphomegraniti aiya emambure mairi; misara miiri yemaphomegraniti yemumbure umwe ngaumwe, kufukidzira mikheyo miiri yezvipanda iyo yaiya padera pesika.

¹⁴ Wakanasira zvigadzikiro, nemabhasini padera pezvigadzikiro,

¹⁵ gandwa rimwe nemiedzaniso yekabi gumi nembiri pashi paro.

¹⁶ Hari, mafoshoro, foroko nezvidziyo zveshe zvayo, Huramabhi wakazviitira mambo Soromoni zvemhatso yaMambo Mwari, zvethusi rinon'anikira.

¹⁷ Murubaya rwebani reJorodhani mambo wakazviumba, mumavhu edongo riri pakati peSukothi neZeredhatha.

¹⁸ Soromoni wakaita zvidziyo zvaiya zvakawanda kakurutu, kuti kurema kwokupimwa kwethusi akuzi kuziikanwa.

¹⁹ Ndizvo Soromoni wakaita zvidziyo zveshe zvaiya mumhatso yaMwari: arita romukore, matafura okuisa zvingwa zvinopirwa kunaMwari,

²⁰ zvigadzikiro zvezvibani, nezvibani zvazvo zvomukore wakaereswa kuti zvibake pamberi pendau yomukati yakachena kudai ngezvevakapangwa;

²¹ miedzaniso yemaruwa, zvibani, nembato, dzomukore wakaereswa;

²² zvidzimiso zvezvibani, mabhasini, mikheyo, zviwenda zvomuriro zvomukore wakaereswa. Pamusiwo pokupinda ndipo mutemperi: misiwo yokupinda mundau yakachenesesa, nemisiwo yoruwanze rwetemperi, yaiya yomukore.