2 MaKro. 36 - Bhaibheri Rakachena muChindau

Jehoahazi Mambo waJudha

¹ Vanhu venyika vakatora Jehoahazi mukororo waJosia, vakamuita mambo muJerusarema pachigaro chababa ake.

² Jehoahazi waiya nemakore makumi mairi nematatu apo paakatanga kutonga; wakatonga muJerusarema mwedzi mitatu.

³ Mambo weEgipite wakamudusa umambo hwake ari muJerusarema, wakabharisa vanhu venyika yaJudha chibharo makhirogramu esirivha makumi emazana matatu nemazana marongomuna (3,400) nemakhirogramu makumi matatu nemarongomuna omukore.

⁴ Mambo weEgipite wakaisa hama yake Eriakimu kuita mambo padera paJudha neJerusarema, naye wakakunukudza zina rake kuti Jehoiakimu; asi Nekho wakatora Jehoahazi hama yake akamuisa Egipite.

Jehoiakimu Mambo waJudha

⁵ Jehoiakimu wakatanga kutonga anemakore makumi mairi nemashanu; wakatonga makore gumi narimwe muJerusarema. Wakaita zvakashata mukuona kwaMambo Mwari, Mwari wake.

⁶ Nebhukhadhineza mambo weBhabhuroni wakauya koorwa naye, wakamusunga ngemanguri esimbi, wakamutora kuenda naye Bhabhuroni.

⁷ Nebhukhadhineza wakatorawo zvidziyo zvemhatso yaMambo Mwari kuenda nazvo Bhabhuroni, wakazviisa mungome yake muBhabhuroni.

⁸ Zvino mishando imweni yaJehoiakimu, nezvinonyangadza zvaakaita, neizvo zvakaoneka kwaari, ringirai zvakanyorwa muBhuku reMadzimambo aIsuraeri naaJudha; naJehoiakhini mukororo wake wakatonga pachigaro chake.

Jehoiakhini Mambo waJudha

⁹ Jehoiakhini wakatanga kutonga ane makore masere; wakatonga muJerusarema mwedzi mitatu nemazuva gumi. Wakaita zvakashata mukuona kwaMambo Mwari.

¹⁰ Naapo chirimo chapera, mambo Nebhukhadhineza wakatumira vanhu koomutora kuuya naye Bhabhuroni, nezvidziyo zvakanaka zvomumhatso yaMambo Mwari, naye wakaita Zedhekia hama yake mambo waJudha neJerusarema.

Zedhekia Mambo waJudha

¹¹ Zedhekia wakatanga kutonga anemakore makumi mairi narimwe, naye wakatonga makore gumi narimwe muJerusarema.

¹² Wakaita zvakashata mukuona kwaMambo Mwari, Mwari wake. Aazi kudzipfaisa pamberi paJeremia muprofeti, uwo wakaereketa izvo zvakabva kumuromo waMambo Mwari.

Kuwa kweJerusarema

¹³ Nayezve wakamukira mambo Nebhukhadhineza, uwo wakamupikisa mhiko ndiMwari; asi wakakukutarisa mutsipa wake, akakonzisa mwoyo wake kuti asatenderukira kunaMambo Mwari, Mwari waIsuraeri.

¹⁴ Veshe vapristi vakuru, nevanhuwo vaiya vasikagondeki kakurutu ngokuteera zveshe zvinyangadzo zvemadzinza asikadiri Mwari; navo vakasvipisa mhatso yaMambo Mwari iyo yaaiya akachenesa muJerusarema.

¹⁵ Mambo Mwari, Mwari wemadzibaba avo, wakaangira kutumira izwi kwevari ngavaranda vake nguva dzeshe, ngokuti waiya nenyasha kuvanhu vake nendau yake yokugara.

¹⁶ Asi vakaangira kuitira jee varanda vaMwari, vakashoora izwi rake, vakatuka vaprofeti vake, metsa ushungu hwaMambo Mwari hwabaka kunavanhu vake kakurutu, apana naumwe wakapokonyoka.

¹⁷ Ndizvo iye wakaunza mambo wevaKharadhea koorwa navo, uwo wakauraya vadoko vavo ngeshoti mumhatso yavo yakachena, waiya asina nyasha kunemajaha nokuti kunevasikana, vakuru nokuti harahwa. Iye wakavapira veshe munyara dzake.

¹⁸ Zvidziyo zveshe zvemhatso yaMambo Mwari, zveshe zvikuru nezvidoko, nezvoupfumi hwemhatso yaMambo Mwari, nezvoupfumi hwamambo, nohwevakuru vake, zveshe izvi wakazviunza Bhabhuroni.

¹⁹ Vakapisha mhatso yaMwari, vakaputsira pashi rukumbati rweJerusarema, vakapisha ngome dzaro dzeshe ngomuriro, vakaparadza zvidziyo zvaro zveshe zvaiya zvakanaka.

²⁰ Wakatora kuita hloko veshe muBhabhuroni vakapokonyoka kubva mukuurawa ngeshoti; naapo vakaita varanda vake nevevakororo vake metsa kutonga kwemadzimambo ePhesia,

²¹ kuti rizadzisike izwi iro raakaereketa Mambo Mwari ngomuromo waJeremia, metsa nyika yaita maSabatha ayo. Mazuwa eshe eyakagara iri matongo yakangwarira maSabatha, kuzadzisa makore makumi manomwe.

Sairusi Unopanga kuti VaJudha Vapetudzwe

²² Mugore rokutanga kwaSairusi mambo wePhesia, mukuzadzisa izwi raMambo Mwari rakaereketwa ngomuromo waJeremia, Mambo Mwari wakamusa mweya waSairusi mambo wePhesia, kuti atumire izwi muumambo hwake hweshe, naye wakanyora kuti adzidzwe, echiti,

²³ “Unoronza izvi Sairusi mambo wePhesia: ‘Mambo Mwari, Mwari womudenga, wakandipa umambo hweshe hwenyika, naye wakandipanga kuti ndimuakire mhatso muJerusarema, riri muJudha. Kunyazwi ndiani uri pakati penyu wevanhu vake veshe, Mambo Mwari, Mwari wake, ngaagare naye! Ngaakwireyo.’ ”