2 MaKro. 27 - Bhaibheri Rakachena muChindauJothamu Mambo waJudha ( 2 Madzi. 15:32-38 ) 1 Jothamu waiya nemakore makumi mairi nemashanu apo paakaamba kutonga; wakatonga makore gumi nematanhatu muJerusarema. Zina ramai ake raizwi Jerusha, mwanasikana waZadhoki. 2 Wakatonga wakaita zvaiya zvakanaka mukuona kwaMambo Mwari, kudai ngezvakaitwa ndiUzia baba ake, kwega kuti aazi kupotera mumhatso yaMambo Mwari. Asi vanhu vakaangira kuteera kuita zvakashata kakurutu. 3 Wakaaka musiwo wepadera wemhatso yaMambo Mwari, wakaaka kakurutu padera porukumbati rwaOferi. 4 Zve, wakaaka madhorobha munyika yemitunhu yaJudha, nomumakwasha wakaaka kamba nemathawa. 5 Wakarwa namambo wevana vaAmoni, naye wakavanyisa. VaAmoni vakathera gorero makhirogramu esirivha makumi emazana matatu nemazana marongomuna (3,400), nezvipimo zvekoroni mametrikhi thanisi gumi rimwe remazana (1,000) negumi rimwe remazana (1,000) ebhari. Uku ndikwo kuwanda kwezviro zvevakathera vaAmoni, vakabhadhara zvakatodzana gore rechipiri nerechitatu. 6 Ndizvo Jothamu wakaita wakagwinya, ngokuti wakanasirira njira dzake pamberi paMambo Mwari, Mwari wake. 7 Zvino mishando imweni yaJothamu, nehondo dzake dzeshe, nenjira dzake, ringira, zvakanyorwa muBhuku reMadzimambo aIsuraeri naaJudha. 8 Wakaamba kutonga aane makore makumi mairi nemashanu, naye wakatonga makore gumi nematanhatu muJerusarema. 9 Jothamu wakaata nemadzibaba ake, navo vakamuika mudhorobha raDhavhidha; naAhazi mukororo wake wakatonga pandau yake. |