2 MaKro. 22 - Bhaibheri Rakachena muChindau

Ahazia Mambo waJudha

¹ Vagari veJerusarema vakaita Ahazia mukororo wake mudoko mambo pandau yake; ngokuti zvikwata zvevanhu zvakauya nevaArabhia kukamba zvaiya zvauraya vakororo vakuru veshe. Ndizvo Ahazia mukororo waJehoramu wakatonga kuita mambo waJudha.

² Ahazia waiya anemakore makumi marongomuna nemairi apo paakatanga kutonga, naye wakatonga gore rimwe muJerusarema. Zina ramai ake raizwi Atharia muzukurukadzi waOmuri.

³ Wakahambawo ngenjira dzemhatso yaAhabhi, ngokuti mai ake ndivo vaiya mupangi mukuita zvakashata.

⁴ Wakaita zvakashata mukuona kwaMambo Mwari, kudai ngezvakaitwa ngemhatso yaAhabhi; ngokuti ngesure kwokufa kwababa ake ndivo vakaita vapangi vake, mukuparadzwa kwake.

⁵ Wakatoteera nokupanga kwavo, akaenda naJoramu mukororo waAhabhi mambo waIsuraeri kuti vandorwa hondo naHazaeri mambo weAramu muRamothigireadhi. VaAramu vakaremadza Joramu,

⁶ naye wakahwirira kuti arapwe muJezireeri maronda aakaremadzwa muRama, apo paakarwa naHazaeri mambo weAramu. NaAhazia mukororo waJehoramu mambo waJudha wakadzaka koona Joramu mukororo waAhabhi muJezireeri, ngokuti wairwara.

⁷ Asi kunyiswa kwaAhazia kwaiya kwakaemeswa ndiMwari kuti kuitike ngendaa yokuenda kwaakaita kunaJoramu. Ngokuti apo agumapo, wakabuda naJoramu koorwa naJehu mukororo waNimishi, uwo waakadzodza Mambo Mwari kuti aparadze mhatso yaAhabhi.

⁸ Naapo Jehu echiunza kutongwa padera pemhatso yaAhabhi, wakashongana nevakuru vaJudha, nevakororo vehama dzaAhazia, avo vaishandira Ahazia, naye wakavauraya.

⁹ Wakatsvaka Ahazia, uwo wakabatwa echidzifisha muSamaria, naye wakaunzwa kunaJehu, navo vakamuuraya. Vakamuika, ngokuti vakati, “Muzukuru waJehoshafati, uwo wakatsvaka Mambo Mwari ngomwoyo wake weshe.” Nemhatso yaAhazia yaiya isina naumwe waikona kutonga umambo.

Atharia Mambokadzi waJudha

¹⁰ Zvino apo Atharia mai aAhazia vaona kuti mukororo wavo wafa, wakamiruka kooparadza veshe vorudzi rwoumambo hwemhatso yaJudha.

¹¹ Asi Jehoshabheathi, mwanasikana wamambo, wakatora Joashi mukororo waAhazia, wakamunyongorosa kubva pakati pevakororo vamambo, avo vaiya vechida kuurawa, wakamuisa pamwepo nomungwariri wake mukamera rokuata. Ndizvo Jehoshabheathi mwanasikana wamambo Jehoramu, mukadzi waJehoiadha mupristi (ngokuti waiya hanzvadzi yaAhazia,) wakamufisha kubva kunaAtharia, ndizvo aazi kumuuraya.

¹² Wakagara navo akafishwa mumhatso yaMambo Mwari makore matanhatu, naapo Atharia wakatonga panyika.