2 MaKro. 11 - Bhaibheri Rakachena muChindau

Chiprofeti chaShemaia

¹ Naapo Rehobhoamu aguma Jerusarema, wakaunganidza vemhatso yaJudha neyaBhenjamini vamuna zana nemakumi masere emakumi emazana (180,000) vakatsanangurwa vari ngwazi dzokurwa, kuti varwe nevaIsuraeri, kuunzazve umambo kunaRehobhoamu.

² Asi izwi raMambo Mwari rakauya kunaShemaia munhu waMwari rechiti,

³ “Ronza kunaRehobhoamu mukororo waSoromoni, mambo waJudha, nokuvaIsuraeri veshe vari muJudha neBhenjamini wechiti,

⁴ ‘Unoronza izvi Mambo Mwari: Amuzokwiri nokuti kurwa nehama dzenyu. Hwirirai munhu weshe kumhatso yake, ngokuti ichi chiro chakaitwa ndini.’ ” Ndizvo vakapurutana mazwi aMambo Mwari, vakapetuka kubva koorwa naJerobhoamu.

Rehobhoamu Unoshoshera Madhorobha

⁵ Rehobhoamu wakagara muJerusarema. Wakaaka ukona muJudha.

⁶ Wakaaka Bhetherehema, Etamu, Thekoa,

⁷ Bhethizuri, Sokho, Adhuramu,

⁸ Gathi, Maresha, Zifi,

⁹ Adhoraimu, Rakhishi, Azeka,

¹⁰ Zora, Aijaroni naHebroni, madhorobha akashosherwa awo ari muJudha nomuBhenjamini.

¹¹ Wakagwinyisa marukumbati, akaisamwo nduna huru, madura ezvokudya, mafuta nevhini.

¹² Wakaisawomwo zvihlangu zvikuru nemikhondo mumadhorobha eshe, wakaita kuti agwinyiswe kakurutu. Ndizvo wairwirwa ndiJudha naBhenjamini.

Vapristi neVaRevhi Vanouya kwaJudha

¹³ Vapristi nevaRevhi vaiya muIsuraeri reshe vakauya kwaari vechibva kunyika dzavo dzeshe.

¹⁴ VaRevhi vakasiya nharaunda dzavo nezvifuyo zvavo, vakauya kwaJudha neJerusarema, ngokuti Jerobhoamu nevakororo vake vaiya vakavadzinga kubva kumishando yavo youpristi kunaMambo Mwari,

¹⁵ naye wakaemesa vapristi vake kundau dzakakwirira, nepadera pezvimwari zvembudzi, nezvemakonyana zvaakaita.

¹⁶ Naavo veshe vaiya vaemesa mwoyo yavo kutsvaka Mambo Mwari waIsuraeri, vakauya kubva kumadzinza eshe aIsuraeri kuenda Jerusarema, koopira midiro kunaMambo Mwari, Mwari wemadzibaba avo.

¹⁷ Vakagwinyisa umambo hwaJudha, vakaita Rehobhoamu mukororo waSoromoni kuti aane simba makore matatu, ngokuti vakahamba makore matatu ngenjira dzaDhavhidha nedzaSoromoni.

Mhuri yaRehobhoamu

¹⁸ Rehobhoamu wakatora kuita mukadzi Maharathi, mwanasikana waJerimothi mukororo waDhavhidha, naAbhihairi mwanasikana waEriabhi mukororo waJesi.

¹⁹ Wakamuberekera vakororo: Jeushi, Shemaria naZahamu.

²⁰ Ngesure kwake wakatora Maakha mwanasikana waAbhusaromu, uwo wakamuberekera Abhija, Atai, Ziza naSheromithi.

²¹ Rehobhoamu wakada Maakha mwanasikana waAbhusaromu kupinda vakadzi vake veshe nemabunha (wakatora vakadzi gumi nevasere nemabunha makumi matanhatu; naye wakaita baba wevakororo makumi mairi navasere, nevanasikana makumi matanhatu.)

²² Rehobhoamu wakaemesa Abhija mukororo waMaakha kuita mukuru, kuti aite mutongi pakati pehama dzake, ngokuti waida kumuita mambo.

²³ Naye wakaita ngokungwara, akaparadzira vamweni vevakororo vake munyika dzeshe dzaJudha nedzaBhenjamini, kumadhorobha eshe akashosherwa; wakavapa kudya kwakawanda, naye akavatsvakira vakadzi vakawanda.