2 Madzi. 14 - Bhaibheri Rakachena muChindau

Mambo Amazia weJudha

¹ Mugore rechipiri rokutonga kwaJoashi mukororo waJehoahazi mambo waIsuraeri, mambo Amazia mukororo waJoashi wakatonga padera paJudha.

² Wakatanga kutonga aane makore makumi mairi nemashanu, naye wakatonga makore makumi mairi nemapfumbamwe muJerusarema. Zina ramai ake raizwi Jehoadhini weJerusarema.

³ Wakaita zvakanaka mukuona kwaMambo Mwari, asi haiwa kudai ndibaba ake Dhavhidha; muzviro zveshe wakaita kudai ngezvakaita baba ake Joashi.

⁴ Asi ndau dzakakwirira adzizi kuduswa; vanhu vaiya vachandopirapo midiro nokupishapo mitombo inegwema rakanaka.

⁵ Naapo umambo hwagwinyiswa munyara yake, wakauraya varanda vake avo vakauraya mambo baba ake.

⁶ Asi aazi kuuraya vana vevaurayi; kudai ngezvakanyorwa mubhuku romupango waMosi, apo Mambo Mwari paakapanga echiti, “Madzibaba aazouraiwi ngendaa yokushaisha kwevana, nevana avazouraiwi ngendaa yokushaisha kwemadzibaba; asi munhu weshe unozouraiwa ngendaa yechishaishi chake.”

⁷ Wakauraya vanhu gumi remakumi emazana (10,000) evaEdhomu mubani romunyu, akatora Sera ngokurwa, akadudza zina raro kuti Jokitheeri metsa nanyamashi.

⁸ Zvino Amazia wakatuma nhumwa kunamambo Jehoashi, mukororo waJehoahazi mukororo waJehu mambo waIsuraeri, echiti, “Uya, tiringirane muhope.”

⁹ Jehoashi mambo waIsuraeri wakatumira izwi kunaAmazia mambo waJudha echiti, “Pfiba romunzwa riri muRebhanoni rakatumira izwi kunomusidhari uri muRebhanoni rechiti, ‘Ipa mwanasikana wako kunomukororo wangu kuti aite mukadzi wake;’ asi chikara chomushango chaiya muRebhanoni chakatsikira pashi pfiba romunzwa.

¹⁰ Ngechakwadi iwewe wakanyisa Edhomu, ngokudaro mwoyo wako wodzikudza. Wechidzigutsa ngouthende hwako, ugare kanyi; ngokuti ngenyi wechidzimusira madambudziko kuti uwiremwo, iwewe nevaJudha?”

¹¹ Asi Amazia wakaramba kupurutana. Ndizvo Jehoashi mambo waIsuraeri wakakwira; iye naAmazia mambo waJudha vakaringirana muhope paBhethishemeshi raJudha.

¹² VaJudha vakanyiswa ngevaIsuraeri; veshe vakatiza, vakaenda kumatende avo.

¹³ Jehoashi mambo waIsuraeri wakabata Amazia mambo waJudha, mukororo waJehoashi, mukororo waAhazia, ari muBhethishemeshi. Wakauya Jerusarema, wakapwanyira pashi rukumbati rweJerusarema kubvira pamusiwo weEfuremu metsa kuguma pamusiwo wechipiri pakhona, panoda kukwana mamitha mazana mairi.

¹⁴ Wakatora zveshe mukore, sirivha nezvidziyo zveshe zvaakaona mumhatso yaMambo Mwari, noupfumi hwemhatso yamambo, nemabhanditi; naye wakahwirira Samaria.

¹⁵ Zvino mishando imweni yaJehoashi yaakaita, simba rake, nokurwa kwaakaita naAmazia mambo waJudha, azvizi kunyorwa here muBhuku reMishando yeZuva ngeZuva yeMadzimambo aIsuraeri?

¹⁶ NaJehoashi wakaata nemadzibaba ake, wakaikwa muSamaria pamwepo nemadzimambo aIsuraeri; zvino Jerobhoamu mukororo wake wakatonga pandau yake.

Kufa kwaAmazia Mambo waJudha

¹⁷ Amazia mukororo waJoashi mambo waJudha wakapona makore gumi namashanu sure kwokufa kwaJehoashi mukororo waJehoahazi mambo waIsuraeri.

¹⁸ Zvino mishando imweni yaAmazia aizi kunyorwa here muBhuku reMishando yeZuva ngeZuva yeMadzimambo aJudha?

¹⁹ Navo vakapangana zano rokurwa naye muJerusarema, naye wakatizira Rakhishi. Asi vakateera Rakhishi, vakamuurayapo.

²⁰ Vakamuunza ari padera pemahachi; wakatsirwa muJerusarema pamwepo nemadzibaba ake mudhorobha raDhavhidha.

²¹ Nevanhu veshe vaJudha vakatora Azaria, uwo waiya nemakore gumi namatanhatu okubarwa, vakamuemesa kuita mambo muugaro hwababa ake Amazia.

²² Wakaakisa Erathi, akaripetudza kunaJudha, ngesure apo mambo aata nemadzibaba ake.

Jerobhoamu Mambo waIsuraeri Wechipiri

²³ Mugore regumi nemashanu ramambo Amazia, mukororo waJoashi mambo waJudha, Jerobhoamu mukororo waJoashi mambo waIsuraeri wakatanga kutonga muSamaria; wakatonga makore makumi marongomuna narimwe.

²⁴ Naye wakaita zvakashata mukuona kwaMambo Mwari; aazi kutongopauka kubva muzvishaishi zveshe zvaJerobhoamu mukororo waNebhati, izvo zvaakaita kuti Isuraeri ashaishe.

²⁵ Wakamusirirazve mugano waIsuraeri kubva paRebhohamathi kuruandhle rweArabha, kudai ngeizwi raMambo Mwari, Mwari waIsuraeri, iro raakaereketa kubudikidza ngomuranda wake Jona mukororo waAmithai, muprofeti, uwo weGathiheferi.

²⁶ Ngokuti Mambo Mwari wakaona kutambudzika kwaIsuraeri, kuti kwaiya kwakashata kakurutu; ngokuti paiya pasina naumwe wakakonyerwa nokuti wakasara akasunhurika, pasina naumwe wokudetsera Isuraeri.

²⁷ Asi Mambo Mwari aazi kuronza kuti unozotsukutidza zina raIsuraeri kubva pashi pomudenga; ndizvo wakavaponesa ngenyara yaJerobhoamu mukororo waJoashi.

²⁸ Zvino mishando imweni yaJerobhoamu nazvo zveshe zvaakaita, simba rake, nokurwa kwake, nenjira yaakaunzirazve Dhamasekusi naHamathi kuvaIsuraeri, awo aiya akaita evaJudha, azvizi kunyorwa here muBhuku reMishando yeZuva ngeZuva yeMadzimambo aIsuraeri?

²⁹ Jerobhoamu wakaata nemadzibaba ake, madzimambo aIsuraeri; naZekharia mukororo wake wakatonga pandau yake.