2 Madzi. 12 - Bhaibheri Rakachena muChindau

Jehoashi Mambo waJudha

¹ Mugore rechinomwe raJehu, Jehoashi wakatanga kutonga; wakatonga makore makumi marongomuna muJerusarema. Zina ramai ake raizwi Zibhia weBheerishebha.

² NaJehoashi wakaita izvo zvakanaka mukuona kwaMambo Mwari mazuva eshe okupona kwake, ngokuti Jehoiadha mupristi wakamudzidzisa.

³ Zvakanyadaro ndau dzakakwirira adzizi kuduswa; vanhu vakaangira kupirapo munikero nokupishazve mitombo inegwema rakanaka.

⁴ Jehoashi wakati kuvapristi, “Ashirai mare yeshe yeizvo zvakacheneswa zvinounzwa kumhatso yaMambo Mwari, mare yeshe yomunhu weshe unoerengwa, kudai ngeyaakaemeserwa munhu kuti aduse, nemare yeshe yaakadziemesera munhu mumwoyo mwake kuti aunze kumhatso yaMambo Mwari.

⁵ Vapristi ngavaashire kubva kwevari vanopa, ngavanasirise mhatso, peshe panoda kunasiriswa murukumbati, kunyazwi ngepari panoda kunasiriswa.”

⁶ Asi ngegore remakumi mairi namatatu rokutonga kwamambo Jehoashi vapristi vaiya vasati vanasirisa pamhatso.

⁷ Ndizvo mambo Jehoashi wakadaidza Jehoiadha mupristi nevamweni vapristi, akati kwevari, “Ngenyi musikanasirisi mhatso? Ndizvo zvino musachaashirazve nakamwe mare kubva kunevanopa, asi mwechiipa kunevanonasirisa mhatso.”

⁸ Ndizvo vapristi vakatenda kuti avachazoashirizve mare kubva kunevanhu nokutizve kunasirisa mhatso.

⁹ Zvino Jehoiadha mupristi wakatora bhokisi, akadura buri pachidumaidzo charo, akariemesa pasinde pearita, ngokumudyo kwevanhu apo vechipotera mumhatso yaMambo Mwari; vapristi vaingwarira musiwo vakaisemwo mare yeshe yakaunzwa kumhatso yaMambo Mwari.

¹⁰ Naapo vaona kuti mare yaiya yawanda yaiya mubhokisi munyori wamambo nomupristi mukuru vakakwireyo, vakaerenga mare yakaoneka mumhatso yaMambo Mwari, vakaisungira mumikwama.

¹¹ Vaizopa mare yakaerengwa munyara yaavo vaishanda kubata mushando wemhatso yaMambo Mwari; zvino vakabhadhara ndiyo vatsetsi nevaaki avo vainasirisa mhatso yaMambo Mwari,

¹² kuneavo vaiaka ngemapuwe, nevatsetsi vemapuwe, nokutenga matanda nemapuwe akatsetswa kuti vanasirise mhatso yaMambo Mwari, neizvo zveshe zvakaemeserwa zvayo kuti zvinasirirwe.

¹³ Asi avazi kuitira mhatso yaMambo Mwari ngeiyo mare yakaunzwa mumhatso yaMambo Mwari, ndiro dzesirivha, nokuti zvigadzikiro zvezvibani, ndiro, magwama, nokuti zvidziyo zvomukore, nokuti zvidziyo zvesirivha,

¹⁴ ngokuti vakaipa kunevashandi, vainasirisa ndiyo mhatso yaMambo Mwari.

¹⁵ Avazi kubvunza mushumo kubva kuneavo vevakapa mare munyara dzavo, kuti vabhadhare vashandi, ngokuti vaishanda ngokugondeka.

¹⁶ Mare yomunikero wokupauka neyomunikero wokushaisha isaiunzwa mumhatso yaMambo Mwari; asi yaiya yevapristi.

¹⁷ Panguvayo Hazaeri mambo weAramu wakakwira koorwa neGathi, naye akarinyisa. Asi apo Hazaeri paakaemesa hope yake kukwira koorwisa Jerusarema,

¹⁸ Jehoashi mambo waJudha wakatora zvipo zveshe zvakacheneswa, zvakapirwa ndimambo Jehoshafati, Jehoramu naAhazia, madzibaba ake, madzimambo aJudha, pamwepo nezvipo zvake zvakacheneswa, nomukore weshe wakaoneka mukati mwoupfumi hwemhatso yaMambo Mwari, nomukati mwemhatso yamambo, wakazvitumira izvi kunaHazaeri mambo weAramu. Zvino Hazaeri wakapetuka kubva Jerusarema.

¹⁹ Zvino mishando imweni yaJoashi, nazvo zveshe zvaakaita, azvizi kunyorwa here muBhuku reMishando yeZuva ngeZuva yeMadzimambo aJudha?

²⁰ Varanda vake vakamiruka, vakapangana mazano, vakauraya Joashi mumhatso yaMiro, panjira yokudzaka kuenda Sira.

²¹ NdiJozakha mukororo waShimeathi, naJehozabhadhi mukororo waShoma varanda vake, vakamubaya kuti afe. Vakamuika pamwepo nemadzibaba ake mudhorobha raDhavhidha; zvino Amazia mukororo wake wakatonga pandau yake.