1 Sam. 13 - Bhaibheri Rakachena muChindau

Hondo neVaFiristia

¹ Sauri waiya aane makore makumi matatu paakatanga kutonga, naye wakatonga makore makumi marongomuna namairi padera paIsuraeri.

² Wakadzitsanangurira vanhu vaiya makumi emazana matatu (3,000); makumi emazana mairi (2,000) vaiya naSauri muMikhimashi nomunyika yemitunhu yeBhetheri, negumi rimwe remazana (1,000) raiya naJonathani muGibhea raBhenjamini; naye wakapetudza vamweni veshe kumatende avo.

³ Jonathani wakanyisa chikwata chehondo chevaFiristia muGebha, nevaFiristia vakazvizwa. NaSauri wakaridza gwama munyika yeshe echiti, “VaHebheru ngavazwe.”

⁴ Naapo vaIsuraeri veshe vakazwa kuti Sauri waiya anyisa chikwata chehondo chevaFiristia, nokutizve vaIsuraeri vaiya vaizwa chiro chinonyangadza ngevaFiristia, vanhu vakaunganidzwa kuteera Sauri kuenda Girigari.

⁵ VaFiristia vakadziunganidza kurwa nevaIsuraeri, makumi matatu emakumi emazana (30,000) engoro, makumi emazana matanhatu (6,000) evagadhi vemahachi, nevanhu vehondo vakawanda kudai ngejecha remahumbikumbi yoruandhle. Vakakwira, vakaaka matende muMikhimashi kumabvazuva kweBhethiavheni.

⁶ Naapo vanhu vaIsuraeri vaona kuti vaa mungozi (ngokuti vanhu vehondo vaiya vamanikidzwa), vanhu vakadzifisha mumapako nomumakwasha, pakati pemapuwe, mundau dzakakwirira nomumirindi.

⁷ Vamweni vevaHebheru vakaambuka seri kweJorodhani kunyika yaGadhi neyaGireadhi. Asi Sauri waiya achiri muGirigari, navanhu veshe vakamuteera vechihuta.

⁸ Wakagarira mazuva manomwe, mukuwo wakaemeswa ndiSamueri; asi Samueri aazi kuuya Girigari, nevanhu vakaparara kubva kunaSauri.

⁹ Ndizvo Sauri wakati, “Unzai kwendiri mudiro wokupisha nemidiro yokunyarara.” Naye wakapira mudiro wokupisha.

¹⁰ Naapo achapedza kupira mudiro wokupisha, Samueri wakabva aguma; naSauri wakabuda kooshongana naye nokumuchingamidza.

¹¹ Samueri wakati, “Waitenyi?” Sauri wakati, “Naapo pendakaona kuti vanhu vaiparara kubva kwendiri, nokuti auzi kuuya ngamazuva awakaronza, nokutizve vaFiristia vakaungana paMikhimashi,

¹² ndakati, ‘Zvino vaFiristia vanozouya padera pangu paGirigari, neni ndisati ndakumbira Mwari kundidetsera;’ ndizvo ndakadziangiridza kupira mudiro wokupisha.”

¹³ Samueri wakati kunaSauri, “Wakaita zvoupenzi; auzi kungwarira mupango waMambo Mwari, Mwari wako, waakakupanga. Ngokuti Mambo Mwari waida kuemesa umambo hwako padera paIsuraeri mhera nariini.

¹⁴ Asi zvino umambo hwako ahuzogari. Mambo Mwari watsvaka munhu unodiwa ngomwoyo wake, naMambo Mwari wakamuemesa kuita mutungamiriri wevanhu vake, ngokuti iwewe auzi kungwarira icho chaakakupanga Mambo Mwari.”

¹⁵ NaSamueri wakamiruka kubva Girigari kuenda Gibhea raBhenjamini. NaSauri wakaerenga vanhu vaiya naye, vaida kuita mazana matanhatu (600) evanhu.

¹⁶ Sauri, naJonathani mukororo wake, nevanhu vaiya navo, vakagara muGibhea raBhenjamini; asi vaFiristia vakaaka kamba muMikhimashi.

¹⁷ Nevachakati vakabuda mukamba yavaFiristia zvikwata zvitatu; chikwata chimwe chakaenda nenjira yaienda Ofira, kunyika yaShuari,

¹⁸ nechikwata chimweni chakaenda nenjira yeBhethihoroni, nechikwata chimweni chakaenda nenjira yokumutunhu unoringirana nebani reZebhoimu pasinde nerubaya.

¹⁹ Zvino mwaiya musina mupfuri munyika yeshe yaIsuraeri; ngokuti vaFiristia vakati, “VaHebheru ngavarekere kudzipfurira shoti nokuti mikhondo.”

²⁰ Ndizvo vaIsuraeri veshe vaidzaka kuvaFiristia, munhu weshe koorodzera banga rake, muromo webadza rake, sanho rake, nekasanho kake.

²¹ Mutengo wokurodzera mabadza nembezo waiita zvigurwa zvemare zviiri, masanho nezvokukwengesa ndizvo n'ombe waiita chigurwa chemare chimwe.

²² Ndizvo ngezuva rokurwa hondo, paiya pasina shoti nokuti mukhondo zvakaoneka munyara yomunhu weshe waiya naSauri naJonathani; asi Sauri naJonathani mukororo wake zvakaoneka.

²³ Zvino chikwata chokurwa hondo chevaFiristia chakabuda kuenda pamukana weMikhimashi.