1 MaKro. 9 - Bhaibheri Rakachena muChindau

Vanhu Vakapetuka Kubva kuUsungwa

¹ Ndizvo veshe vaIsuraeri vakaerengwa ngemazina avo; naaya akanyorwa muBhuku reMadzimambo aIsuraeri. NaJudha wakatorwa kooitwa hloko Bhabhuroni ngendaa yezvishaishi zvavo.

² Zvino vakatanga kugara mundau dzavo mumadhorobha avo vaiya vaIsuraeri, vapristi, vaRevhi nevashandi vomumhatso yokudira.

³ Vanhu vamweni vana vaJudha, vana vaBhenjamini, vana vaEfuremu nevaManase vaigara muJerusarema:

⁴ Uthai mukororo waAmihudhi, mukororo waOmuri, mukororo waImuri, mukororo waBhani, vanobva kuvana vaPherezi mukororo waJudha.

⁵ NeveShiro: Asaia dangwe, nevakororo vake.

⁶ Vakororo vaZera: Jeueri, nehama dzavo, vaiya mazana matanhatu nemakumi mapfumbamwe (690).

⁷ Vakororo vaBhenjamini: Saru mukororo waMeshuramu, mukororo waHodhavhia, mukororo waHasenua,

⁸ Ibhineia mukororo waJerohamu, Era mukororo waUzi, mukororo waMikhiri, naMeshuramu mukororo waShefatia, mukororo waReueri, mukororo waIbhinija:

⁹ nehama dzavo kudai ngemibarirwana yavo, mazana mapfumbamwe nemakumi mashanu nevatanhatu (956). Veshe ava vaiya vakuru padera pemhatso kudai ngokuteererana kwemhatso dzemadzibaba avo.

¹⁰ Vevapristi: Jedhaia, Jehoiaribhi, Jakhini

¹¹ naAzaria mukororo waHirikia, mukororo waMeshuramu, mukororo waZadhoki, mukororo waMeraiothi, mukororo waAhithubhi, nduna huru yemhatso yaMambo Mwari;

¹² naAdaia mukororo waJerohamu, mukororo waPhashuri, mukororo waMarikhija, naMaasai mukororo waAdhieri, mukororo waJahizera, mukororo waMeshuramu, mukororo waMeshiremithi, mukororo waIma;

¹³ ngepabanze pehama dzavo, vakuru vemhatso dzemadzibaba avo, gumi remazana nemazana manomwe nemakumi matanhatu (1,760), vamuna vakanasirirwa kuita mushando wemhatso yaMwari.

VaRevhi Vaigara muJerusarema

¹⁴ VevaRevhi: Shemaia mukororo waHashubhi, mukororo waAzirikamu, mukororo waHashabhia, wevakororo vaMerari;

¹⁵ naBhakibhaka, Hereshi, Garari, naMathania mukororo waMikha, mukororo waZikhiri, mukororo waAsafi;

¹⁶ naObhadhia mukororo waShemaia, mukororo waGarari, mukororo waJedhuthuni, naBherekhia mukororo waAsa, mukororo waErikana, uwo waigara mumaguta aNetofathi.

Vangwariri veMhatso yoKudira Vaigara muJerusarema

¹⁷ Varindi vemisiwo vaiya: Sharumu, Akubhi, Tharimoni, Ahimani, nehama dzavo. Sharumu waiya mukuru,

¹⁸ uwo waimbongwarira pamusiwo wamambo ngokumabvazuva. Ava ndivo vangwariri vemisiwo mumakamba evana vaRevhi.

¹⁹ Sharumu mukororo waKore, mukororo waEbhiasafi, mukororo waKhora, nehama dzake dzemhatso yababa ake, vaKhora, ndivo vaiya padera pomushando wokungwarira misiwo yetende romushongano, kudai ngemadzibaba avo vaiya padera pekamba yaMambo Mwari, vaingwarira pamusiwo.

²⁰ Finehasi mukororo waEreaza waiya mukuru padera pavo karetu; Mambo Mwari waiya naye.

²¹ Zekharia mukororo waMesheremia waiya mungwariri womusiwo wetende romushongano.

²² Naava veshe vakatsanangurwa kuti vaite vangwariri vemisiwo paruwanze vaiya mazana mairi negumi navairi (212). Vakaerengwa ngokunyorwa kwemazina avo, mumaguta avo. Dhavhidha naSamueri mufemberi vakavaemesa mumushando wavo wokugondeka.

²³ Ndizvo ivo nemibarirwana yavo vairinda pamisiwo yemhatso yaMambo Mwari, ndiyo mhatso yetende romushongano, kuti vaite varindi.

²⁴ Varindi vaiya kumarutii marongomuna, kumabvazuva, kumabirirazuva, kubani nedera;

²⁵ nehama dzavo dzaiya mumaguta avo vaiuya nguva dzeshe kumabingo avo mazuva manomwe kuzogara navo;

²⁶ ngokuti ava vaRevhi varongomuna vaiya varindi vakuru, vaiya nemishando yavo, vaingwarira makamera noupfumi hwemhatso yaMwari.

²⁷ Navo vaipedza usiku hweshe vakatendenedza mhatso yaMwari, ngokuti kuingwarira kwaiya kwavo, nomushando wokuibeura mangwanani eshe waiya wavo.

VaRevhi Vamweni

²⁸ Vamweni vavo vaiya vakaemeswa kungwarira zvidziyo zvokushanda ndizvo, kuti vazvibudise nokuzvipinzazve vechizvierenga.

²⁹ Vamweni vavo vakaemeserwa kuti vangwarire zvidziyo nezviro zveshe zvetende romushongano, ufu hwakamotseka, vhini, mafuta, mutombo unegwema rakanaka nemaka.

³⁰ Vamweni vevakororo vevapristi vainasira kuvhengedzwa pamwepo zvinonuhwira,

³¹ naMatithia, umwe wevaRevhi, dangwe raSharumu muKhora, wakaemeswa kuita mukuru padera pomushando wokubikwa kwezvingwa zvokupira.

³² Vamweniwo vehama dzavo, vevakororo vaKohathi, vaiya vakaemeswa padera pomushando wemisara yezvingwa, nokuzvinasirira maSabatha rimwe ngarimwe.

³³ Zvino ava ndivo vaembi, vakuru vemhatso dzemadzibaba evaRevhi, vaigara mumakamera emhatso yokudira vakasunhurika kubva kunemishando imweni, ngokuti vaiya pamushando usiku nemasikati.

³⁴ Ava vaiya vakuru vemhatso dzemadzibaba evaRevhi, kudai ngokuteererana kunoita mibarirwana yavo; vakuru ava vaigara muJerusarema.

Madzibaba neMibarirwana yaMambo Sauri

³⁵ MuGibheoni mwaigara baba vaGibheoni, Jeieri, nezina romukadzi wake raizwi Maakha.

³⁶ Dangwe rake romukororo raizwi Abhidhoni, kwoteera Zuri, Kishi, Bhaari, Neri, Nadhabhi,

³⁷ Gedhori, Ahio, Zekharia naMikirothi;

³⁸ naMikirothi wakabara Shimeamu; naavazve vaigara vakaringirana nehama dzavo muJerusarema, pasinde nehama dzavo.

³⁹ Neri wakabara Kishi; Kishi wakabara Sauri, Sauri wakabara Jonathani, Marikhishua, Abhinadhabhi naEshibhaari;

⁴⁰ nomukororo waJonathani waiya Meribhaari; naMeribhabhaarii wakabara Mikha.

⁴¹ Vakororo vaMikha: Phithoni, Merekhi, Tahirea naAhazi;

⁴² naAhazi wakabara Jara, naJara wakabara Aremethi, Azimavhethi naZimuri; naZimuri wakabara Moza.

⁴³ Moza wakabara Bhinea; naRefaia waiya mukororo wake, Ereasa mukororo wake, Azeri mukororo wake.

⁴⁴ Azeri waiya nevakororo vatanhatu, mazina avo ndiwo aya: Azirikamu, Bhokheru, Ishumaeri, Shearia, Obhadhia naHanani; ava ndivo vakororo vaAzeri.