1 MaKro. 8 - Bhaibheri Rakachena muChindau

Mibarirwana yaBhenjamini

¹ Bhenjamini wakabara Bhera dangwe rake, Ashibheri wechipiri, Ahara wechitatu,

² Noha wechirongomuna naRafa wechishanu.

³ Nevakororo vaBhera: Adhari, Gera, Abhihudhi,

⁴ Abhishua, Naamani, Ahoa,

⁵ Gera, Shefufani naHuramu.

⁶ Ava ndivo vakororo vaEhudhi, vaiya vakuru vemhatso dzemadzibaba eavo vaigara Gebha, navo vakavathuthisa kuenda Manahathi:

⁷ Naamani, Ahija naGera, ndiye Hegiramu, baba vaUza naAhihudhi.

⁸ NaShaharaimu wakabara vakororo munyika yaMoabhi, ngesure kwokudzinga vakadzi vake Hushimu naBhaara.

⁹ Naye wakabarirwa vakororo ndiHodheshi mukadzi wake: Jobhabhi, Zibhia, Mesha, Marikhamu,

¹⁰ Jeuzi, Sakhia naMirima. Ava ndivo vaiya vakororo vake, vakuru vemhatso dzemadzibaba.

¹¹ Wakabarazve vakororo ndiHushimu: Abhithubhi naEriphaari.

¹² Vakororo vaEriphaari: Ebha, Mishamu naShemedhi, uwo wakaaka madhorobha Ono neRodhi, nemaguta awo.

Mibarirwana yaBhenjamini muGathi nomuAijaroni

¹³ NaBheria naShema, vaiya vakuru vemhatso dzemadzibaba awo vaigara muAijaroni, vakadzinga vagari veGathi;

¹⁴ naAhio, naShashaki naJeremothi.

¹⁵ Zebhadhia, Aradhi, Edheri,

¹⁶ Mikhaeri, Ishipha naJoha vaiya vakororo vaBheria.

Mibarirwana yaBhenjamini muJerusarema

¹⁷ Zebhadhia, Meshuramu, Hiziki, Hebha,

¹⁸ Ishimerai, Iziria naJobhabhi vaiya vakororo vaEriphaari:

¹⁹ Jakimu, Zikhiri, Zabhudhi,

²⁰ Erienai, Zirethai, Erieri,

²¹ Adhaia, Bheraia naShimirathi vaiya vakororo vaShimei.

²² Ishiphani, Ebha, Erieri,

²³ Abhidhoni, Zikhiri, Hanani,

²⁴ Hanania, Eramu, Anithothija,

²⁵ Ifidheia naPhenueri vaiya vakororo vaShashaki.

²⁶ Shamusherai, Sheharia, Atharia,

²⁷ Jaareshia, Erija naZikhiri vaiya vakororo vaJerohamu.

²⁸ Ava vaiya vakuru vemhatso yemadzibaba avo, mumibarirwana yavo, vaiya madzimambo. Ava vaigara muJerusarema.

Mibarirwana yaBhenjamini muGibheoni nomuJerusarema

²⁹ Jeieri baba vaGibheoni vaigara muGibheoni; zina romukadzi wake raizwi Maakha.

³⁰ Mukororo wake wedangwe: Abhidhoni, kwoteera Zuri, Kishi, Bhaari, Nadhabhi,

³¹ Gedhori, Ahio, Zekha

³² naMikirothi uwo wakabara Shimea. Zvino naavowo vaigara vakaringirana nehama dzavo muJerusarema, vari pasinde pamwepo.

Mibarirwana yaMambo Sauri

³³ Neri wakabara Kishi, Kishi wakabara Sauri, Sauri wakabara Jonathani, Marikhishua, Abhinadhabhi naEshibhaari;

³⁴ nomukororo waJonathani Meribhaari; Meribhaari wakabara Mikha.

³⁵ Vakororo vaMikha: Phithoni, Merekhi, Tharea naAhazi.

³⁶ Ahazi wakabara Jehoadha; naJehoadha wakabara Aremethi, Azimavheti naZimuri; Zimuri wakabara Moza,

³⁷ Moza wakabara Bhinea; Rafa waiya mukororo wake, Ereasa mukororo wake, Azeri mukororo wake.

³⁸ Azeri waiya nevakororo vatanhatu, mazina avo ndiwo aya: Azirikamu, Bhokheru, Ishumaeri, Shearia, Obhadhia naHanani. Ava veshe vaiya vakororo vaAzeri.

³⁹ Vakororo vaEsheki hama yake: Uramu dangwe rake, Jeushi wechipiri naErifereti wechitatu.

⁴⁰ Vakororo vaUramu vaiya ngwazi dzehondo dzakashinga, vaikona kufura ngeuta nemisee, vaiya nevana vazhinji, nevana vevana, zana nemakumi mashanu (150). Veshe ava mibarirwana yaBhenjamini.