1 MaKro. 5 - Bhaibheri Rakachena muChindau

Mibarirwana yaRubheni

¹ Zvino ava ndivo vakororo vaRubheni, dangwe raIsuraeri, (ngokuti ndiye waiya dangwe; asi ngokuti wakasvipisa mubhedhi wababa ake, nhaka youtangwe hwake yakapuwa kunevakororo vaJosefa mukororo waIsuraeri; ndizvo Rubheni aazi kunyorwa munonyorwa mazina oudangwe kudai ngounogara nhaka.

² Kunyazwi Judha wakaita mukuru pakati pevana vababa ake, nomutongi wakabva kwaari, asi nhaka youtangwe yaiya yaJosefa.)

³ Vakororo vaRubheni dangwe raIsuraeri: Hanokhi, Paru, Hezironi naKhami.

⁴ Vakororo vaJoeri: Shemaia mukororo wake, Gogi mukororo wake, Shimei mukororo wake,

⁵ Mikha mukororo wake, Reaia mukororo wake, Bhaari mukororo wake,

⁶ Bheera mukororo wake, uwo wakatorwa kuitwa hloko, waiya mambo wevaRubheni, ndiTirigathiphirinesa mambo weAsiria.

⁷ Nehama dzake ngemarudzi adzo, apo mazina emadzibaba avo akanyorwa paakaerengwa ngemibarirwana yavo vakaziikanwa: mambo, Jeieri naZekharia,

⁸ naBhera mukororo waAzazi, mukororo waShema, mukororo waJoeri, uwo waigara muAroeri, metsa kuguma Nebho naBhaarimeoni.

⁹ Vakagarazve ngokumabvazuva, panotangira rubaya nerwizi Yufratesi, ngokuti ng'ombe dzavo dzakawandiswa munyika yeGireadhi.

¹⁰ Ngemazuva aSauri ava vakarwa nevaHagiri, vakavanyisa ngenyara yavo. Vakagara mumatende avo munyika yeshe yokumabvazuva kweGireadhi.

Mibarirwana yaGadhi

¹¹ Vakororo vaGadhi vaigara pasinde pavo vakaita maringwa navo, munyika yaBhashani metsa kuguma Sarekha:

¹² Joeri nduna, Shafamu wechipiri, Janai naShafati muBhashani.

¹³ Nehama dzavo kudai ngemadzinza avo: Mikhaeri, Meshuramu, Shebha, Jorai, Jakhani, Zia naEbha, vanomwe.

¹⁴ Ava ndivo vakororo vaAbhihairi mukororo waHuri, mukororo waJaroa, mukororo waGireadhi, mukororo waMikhaeri, mukororo waJeshishai, mukororo waJadho, mukororo waBhuzi.

¹⁵ Ahi mukororo waAbhidhieri, mukororo waGuni, mukuru wedzinza remadzibaba avo.

¹⁶ Navo vakagara Gireadhi, muBhashani, nomumadhorobha ayo, nomunyika yembusho yeshe yeSharoni, metsa kuguma kumigano yayo.

¹⁷ Veshe ava vakaerengwa ngemadzinza emibarirwana yavo ngemazuva aJothamu mambo waJudha, mumazuva aJerobhoamu mambo waIsuraeri.

Hondo dzeMadzinza okuMabvazuva

¹⁸ Vakororo vaRubheni, vakororo vaGadhi, norupande rwaManase avo vaiya ngwazi dzehondo, vaikona kubata zvihlangu neshoti, nokufura ngouta, vaiya ngwazi mukurwa hondo, vaiya makumi emazana makumi marongomuna nemarongomuna, nemazana manomwe nemakumi matanhatu (44,760), vakanasirira kuenda koorwa.

¹⁹ Vakarwa hondo nevaHagiri, Jeturi, Nafishi naNodhabhi.

²⁰ Naapo vakadetserwa mukurwa navo, vaHagiri naavo veshe vaiya navo vakapirwa munyara dzavo, ngokuti vakakumbira kunaMwari vari mukurwa hondo, naye wakavazwa, ngokuti vakagonda kwaari.

²¹ Vakatora zvifuyo zvavo: makamera avo makumi emazana makumi mashanu (50,000), makwai mazana mairi nemakumi mashanu emazana (250,000), mbongoro makumi emazana mairi (2,000), vasungwa vanhu zana rimwe remakumi emazana (100,000).

²² Kwakawa vazhinji vakafa, ngokuti yaiya hondo yaMwari. Navo vakagara kundau dzavo metsa nguva yokuita hloko.

Vanhu vokuMabvazuva kwaManase

²³ Vana vorupande rwedzinza rwaManase vakagara munyikamwo; vakawandisa kakurutu kubvira Bhashani metsa kuguma Bhaariherimoni, Seniri, nokuguma kuMutunhu Hermoni.

²⁴ Ava ndivo vaiya vakuru vemadzinza emadzibaba avo: Efa, Ishi, Erieri, Azirieri, Jeremia, Hodhavhia naJahidhieri, ngwazi dzehondo vanhu vanembiri, vakuru vemadzinza emadzibaba avo.

Madzinza okuMabvazuva Anodzingwa

²⁵ Asi vakapauka kubva kunaMwari wemadzibaba avo, vakada kuteera zvimwari zvevanhu venyika iyo, avo vakaparadzwa ndiMwari kubva pamberi pavo.

²⁶ Ndizvo Mwari waIsuraeri wakamusa mweya waPhuri mambo weAsiria, nomweya waTirigathiphirinesa mambo weAsiria, naye wakavatora kuenda navo, vaRubheni, vaGadhi, norupande rwedzinza raManase, wakavaunza Hara, Habhori, Hara, nerwizi Gozani, metsa nanyamashi.