1 MaKro. 27 - Bhaibheri Rakachena muChindau

Urongwa hweHondo nehweVanhu

¹ Uhu ndihwo urongwa hwevana vaIsuraeri, vakuru vemhatso dzemadzibaba avo, nduna huru dzemakumi emazana, dzemazana, nenduna dzaishandira mambo mumbeu dzeshe dzemishando yezvikwata zvemabingo akauya nokubuda, mwedzi ngomwedzi mumwedzi yeshe yegore; chikwata chimwe ngachimwe chaiya nemakumi mairi nemarongomuna emakumi emazana (24,000).

² Jashobheamu mukororo waZabhidhieri waiya nduna huru muchikwata chake chokutanga chomwedzi wokutanga; chaiya nemakumi mairi nemarongomuna emakumi emazana (24,000).

³ Waiya mubarirwana waPherezi, waiya nduna huru yenduna dzeshe dzehondo yomwedzi wokutanga.

⁴ Dhodhai mubarirwana waAhohi waiya nduna yechikwata chomwedzi wechipiri; Mikirothi waiya nduna huru yechikwata chake; muchikwata chake mwaiya nemakumi mairi nemarongomuna emakumi emazana (24,000).

⁵ Nduna yechitatu yehondo yomwedzi wechitatu waiya Bhenaia mukororo waJehoiadha, mupristi; muchikwata chake mwaiya nemakumi mairi nemarongomuna emakumi emazana (24,000).

⁶ Uyu ndiye Bhenaia waiya ngwazi pakati pengwazi makumi matatu, nduna yemakumi matatu; mukororo wake Amizabhadhi ndiye mukuru muchikwata chake.

⁷ Asaheri hama yaJoabhi waiya nduna yechirongomuna mumwedzi wechirongomuna, nomukororo wake Zebhadhia waiya sure kwake; muchikwata chake mwaiya nemakumi mairi nemarongomuna emakumi emazana (24,000).

⁸ Nduna yechishanu mumwedzi wechishanu waiya Shamhuthi muIziri; muchikwata chake mwaiya nemakumi mairi nemarongomuna emakumi emazana (24,000).

⁹ Nduna yechitanhatu mumwedzi wechitanhatu waiya Ira mukororo waIkeshi, muThekoa; muchikwata chake mwaiya nemakumi mairi nemarongomuna emakumi emazana (24,000).

¹⁰ Nduna yechinomwe mumwedzi wechinomwe waiya Herezi muPheroni, mubarirwana waEfuremu; muchikwata chake mwaiya nemakumi mairi nemarongomuna emakumi emazana (24,000).

¹¹ Nduna yechisere mumwedzi wechisere waiya Sibhekhai muHushathi, mubarirwana wevaZera; muchikwata chake mwaiya nemakumi mairi nemarongomuna emakumi emazana (24,000).

¹² Nduna yechipfumbamwe mumwedzi wechipfumbamwe waiya Abhieza weAnathothi, mubarirwana waBhenjamini; muchikwata chake mwaiya nemakumi mairi nemarongomuna emakumi emazana (24,000).

¹³ Nduna yegumi mumwedzi wegumi waiya Maharai weNetofa, mubarirwana weZara; muchikwata chake mwaiya nemakumi mairi nemarongomuna emakumi emazana (24,000).

¹⁴ Nduna yegumi naimwe mumwedzi wegumi naumwe waiya Bhenaia wePhirathoni, mubarirwana waEfuremu; muchikwata chake mwaiya nemakumi mairi nemarongomuna emakumi emazana (24,000).

¹⁵ Nduna yegumi nembiri mumwedzi wegumi nemiiri waiya Heridhai muNetofa, mubarirwana waOthinieri; muchikwata chake mwaiya nemakumi mairi nemarongomuna emakumi emazana (24,000).

Utungamiriri hweMadzinza aIsuraeri

¹⁶ Padera pemadzinza aIsuraeri: mutongi wedzinza raRubheni, Erieza mukororo waZikhiri waiya mutongi mukuru; mutongi wevaSimeoni, Shefatia mukororo waMaakha;

¹⁷ mutongi wevaRevhi Hashabhia mukororo waKemueri; mutongi wevaAroni, Zadhoki;

¹⁸ mutongi waJudha, Erihu umwe wehama dzaDhavhidha; mutongi wevaIsakha, Omuri mukororo waMikhaeri;

¹⁹ mutongi weZebhuruni, Ishimaia mukororo waObhadhia; mutongi weNafitari, Jerimothi mukororo waAzirieri;

²⁰ mutongi waEfuremu, Hoshea mukororo waAzazia; mutongi worupande rwedzinza raManase, Joeri mukororo waPhedhaia;

²¹ mutongi worupande rwedzinza raManase muGireadhi, Idho mukororo waZekharia; mutongi wevaBhenjamini, Jaasieri mukororo waAbhina;

²² mutongi wevaDhani, Azareri mukororo waJerohamu. Ava ndivo vatungamiriri vemadzinza aIsuraeri.

²³ Dhavhidha aazi kuerenga vaiya pashi pemakore makumi mairi kudzaka pashi, ngokuti Mambo Mwari wakagondisa kuti unozowanza vaIsuraeri kudai ngenyeredzi dzomudenga.

²⁴ Joabhi mukororo waZeruia wakatanga kuvaerenga, asi aazi kupedza; ushungu hwaMambo Mwari hwakadzaka padera paIsuraeri ngendaa iyi, nouwandu hwavo ahuzi kunyorwa mumabhuku amambo Dhavhidha.

Utungamiriri hwoUpfumi hwoUmambo

²⁵ Padera poupfumi hwamambo paiya naAzimavhethi mukororo waAdhieri. Padera poupfumi hwomunyika, mumadhorobha, mumaguta, nomungome, paiya naJonathani mukororo waUzia.

²⁶ Padera peavo vaiita mushando womumunda wokurima paiya naEziri mukororo waKherubhi.

²⁷ Padera peminda yemivhini paiya naShimei muRama. Zabhudhi muShifi waiya padera pomushando wokungwarira michero yeminda yemivhini yaiiswa mumadura evhini.

²⁸ Padera pemiti yemiorivhi neyemionde muShefera paiya naBhaarihanani muGedha. Padera pevaingwarira mafuta paiya naJoashi.

²⁹ Padera pevaingwarira zvifuyo zvaiushirwa muSharoni paiya naShitirai muSharoni. Padera pezvifuyo zvaiushirwa mubani paiya naShafati mukororo waAdhirai.

³⁰ Padera pevaingwarira makamera paiya naObhiri muIshumaeri. Padera pevaingwarira zvimbongoro paiya naJehidheia muMeronothi. Padera pevaingwarira makwai nembudzi paiya naJazizi muHagiri.

³¹ Veshe ava vaiya vangwariri vepfuma yaDhavhidha mambo.

³² Jonathani hama yaDhavhidha waiya gota, waiya munhu wakangwara, nomunyori; Jehieri mukororo waHakhimoni waigara nevakororo vamambo.

³³ Ahithoferi waiya gota ramambo, naHushai muAkhi waiya mungani wamambo.

³⁴ Sure kwaAhithoferi kwakauya Jehoiadha mukororo waBhenaia, naAbhiatha. Joabhi waiya nduna yehondo yamambo.