1 MaKro. 19 - Bhaibheri Rakachena muChindau

Dhavhidha Unonyisa VaAmoni nevaAramu

¹ Zvino ngesure kweizvi Nahashi mambo wevaAmoni wakafa, nomukororo wake akatonga pandau yake.

² Dhavhidha wakati, “Ndinozoita nyasha kunaHanuni mukororo waNahashi, ngokuti baba ake vakaita nyasha kwendiri.” Ndizvo Dhavhidha wakatuma varanda koomuembedzera ngendaa yababa ake. Naapo varanda vaDhavhidha pevakaguma munyika yevana vaAmoni kunaHanuni koomuembedzera,

³ vakuru vevana vaAmoni vakati kunaHanuni, “Unopinimidza kuti Dhavhidha unoremeredza baba ako, ngokutumira vaembedzeri kwouri here? Varanda vake avazi kuuya kuti vatsvakisise nyika, kuiparadza nokuidongorera here?”

⁴ Ndizvo Hanuni wakatora varanda vaDhavhidha, akavapara, akacheka zvokupfeka zvavo ngepakati kuguma pasinde pemagaro avo, akavaendesa;

⁵ navo vakaenda. Naapo Dhavhidha aronzerwa ngendaa yevamuna, wakatuma nhumwa kwevari, kooshongana navo; ngokuti vamuna vakatsveruka kakurutu. Namambo wakati, “Garai muJerikho metsa ndebvu dzenyu dzamera, naapo munozopetuka.”

⁶ Naapo vaAmoni vaona kuti vakadziita chinuhwo kunaDhavhidha, Hanuni navana vaAmoni vakatumira matarenta esirivha gumi remazana (1,000), kuti vabhadharire ngoro nevagadhi vemahachi kubva Mesopotamia, Aramaakha naZobha.

⁷ Vakabhadhara ngoro makumi matatu namairi emakumi emazana (32,000), namambo weMaakha nevanhu vake vehondo; vakauya, vakaemesa matende avo pamberi paMedhebha. NevaAmoni vakadziunganidza pamwepo kubva kumadhorobha avo, vakauya koorwa.

⁸ Naapo Dhavhidha azwa ndizvo, wakatuma Joabhi nehondo yeshe yengwazi dzinoshinga.

⁹ NevaAmoni vakabuda, vakaronga hondo yavo pamberi pamusiwo wedhorobha; nemadzimambo aiya auya aiya ari pachavo ega mushango.

¹⁰ Naapo Joabhi aona kuti hondo yaiya yarongwa mberi kwake nesure kwake, wakatsanangura avo vakatsanangurwa vaIsuraeri, akavaronga kuti varwe nevaAramu.

¹¹ Vakasara vehondo yake wakavapa munyara dzaAbhishai hama yake, navo vakarongwa kurwa nevana vaAmoni.

¹² Wakati, “Kudai vaAramu vechizondikurira, zvino iwewe unozondidetsera; asi kudai vakororo vaAmoni vechizokukurira, neni ndinozokudetsera.

¹³ Shingai, ngatiite vakagwinya ngendaa yevanhu vedu, nendaa yemadhorobha aMwari wedu; naMambo Mwari ngaaite icho chakanaka mukuona kwake.”

¹⁴ Ndizvo Joabhi nehondo yaiya naye vakakwedzera pasinde pevaAramu kuti varwe hondo; navo vakatiza kubva pamberi pake.

¹⁵ Naapo vaAmoni vaona kuti vaAramu vatiza, navo vakatizawo kubva pamberi paAbhishai hama yake, vakapotera mudhorobha. Naapo Joabhi wakauya Jerusarema.

¹⁶ Asi apo vaAramu vaona kuti vanyiswa ngevaIsuraeri, vakatuma nhumwa, vakaunza vaAramu vaiya ruseri rwerwizi Yufratesi; naShofakhi, nduna yehondo yaHadhadheza, wakavatungamirira.

¹⁷ Naapo Dhavhidha aronzerwa, wakaunganidza vaIsuraeri veshe pamwepo, akaambuka Jorodhani, akaguma kwevari, akaronga hondo yake kurwa navo. Naapo Dhavhidha aronga hondo yake kurwa nevaAramu, vakarwa naye.

¹⁸ VaAramu vakatiza kubva pamberi pevaIsuraeri; Dhavhidha wakauraya vaAramu vamuna makumi emazana manomwe (7,000) vaihamba ngengoro nemakumi marongomuna emakumi emazana (40,000) vaihamba ngetsoka, wakaurayawo Shofakhi nduna yehondo yavo.

¹⁹ Naapo varanda vaHadhadheza vaona kuti vanyiswa ngevaIsuraeri, vakaiyaniswa naDhavhidha, vakaita varanda vake. Ndizvo vaAramu vaiya vasikachadi kuchadetsera vana vaAmoni nakamwe.