1 MaKro. 18 - Bhaibheri Rakachena muChindau

Dhavhidha Unonyisa muHondo

¹ Ngesure kweizvi Dhavhidha wakarwisa vaFiristia, naye akavanyisa; wakatora Gathi nemaguta aro kubva munyara dzevaFiristia.

² Wakanyisa vaMoabhi; nevaMoabhi vakaita varanda vaDhavhidha, vakamubhadhara muthero.

³ Dhavhidha wakanyisa Hadhadheza mambo waZobha metsa kuguma Hamathi, apo paaienda koogwinyisa umambo hwake kurwizi Yufratesi.

⁴ Dhavhidha wakatora kubva kwaari ngoro mazana gumi (1,000), nemakumi emazana manomwe (7,000) evagadhi vemahachi, nevanohamba ngetsoka vari makumi emazana makumi mairi (20,000). Dhavhidha wakagura mirunda yemahachi eshe engoro, asi wakangwarira anokwana ngoro zana (100).

⁵ Naapo vaAramu veDhamasekusi vakauya koodetsera Hadhadheza mambo waZobha, Dhavhidha wakauraya vaAramu makumi mairi namairi emakumi emazana (22,000).

⁶ Zvino Dhavhidha wakaisa zvikwata zvevarwi vehondo muAramu reDhamasekusi; nevaAramu vakaita varanda vaDhavhidha, vakabhadhara muthero. Mambo Mwari wakaita kuti Dhavhidha anyise kweshe kwaakaenda.

⁷ Dhavhidha wakatora zvihlangu zvomukore zvaitwarwa ngevaranda vaHadhadheza, akazviunza Jerusarema.

⁸ Kubva Tibhathi nokubva Khuni, madhorobha aHadhadheza, Dhavhidha wakatora thusi rakawanda, raakanasirira ndiro Soromoni bhavhu rethusi, sika nezvidziyo zvethusi.

⁹ Naapo Thou mambo weHamathi azwa kuti Dhavhidha waiya anyisa yeshe hondo yaHadhadheza mambo weZobha,

¹⁰ wakatumira Hadhoramu mukororo wake kunamambo Dhavhidha, koomuchingamidza nokumukorokotedza, ngendaa yokuti wakarwa naHadhadheza, akamunyisa. Zvino Hadhadheza wairwa hondo naThou. Wakatumira zvidziyo zvembeu dzeshe zvomukore, zvesirivha nezvethusi.

¹¹ Izviwo Dhavhidha mambo wakapira kunaMambo Mwari, pamwepo sirivha nomukore zvaakaunza kubva kumadzinza aya eshe kubva Edhomu, kubva Moabhi, kubva kuvana vaAmoni, kubva kuvaFiristia nokubva kuvaAmareki.

¹² Abhishai mukororo waZeruia wakauraya gumi nemasere emakumi emazana (18,000) vevaEdhomu mubani romunyu.

¹³ Wakaisa zvikwata zvevarwi vehondo muEdhomu, nevaEdhomu veshe vakaita varanda vaDhavhidha. NaMambo Mwari wakaita kuti Dhavhidha anyise kweshe kwaakaenda.

¹⁴ Ndizvo Dhavhidha wakatonga padera pevaIsuraeri veshe, naye wakatonga zvakanaka nokururama kuvanhu vake veshe.

¹⁵ Joabhi mukororo waZeruia ndiye waiya padera pehondo; Jehoshafati mukororo waAhirudhi waiya munyori;

¹⁶ Zadhoki mukororo waAhithubhi, naAhimerekhi mukororo waAbhiatha, vaiya vapristi; Shavisha waiya munyori;

¹⁷ Bhenaia mukororo waJehoiadha waiya padera pevaKherethi nepadera pevaPherethi, nevakororo vaDhavhidha vaiya vakuru mumushando wamambo.