1 MaKro. 12 - Bhaibheri Rakachena muChindau

Vateeri voKutanga vaDhavhidha Vaibva kuDzinza raBhenjamini

¹ Ava ndivo vakauya kunaDhavhidha muZikiragi, achadzihwarisa ngendaa yaSauri, mukororo waKishi; vaiya pakati pengwazi, vadetseri vake muhondo.

² Vaiya vafuri vouta, vaikona kufura ngemisee nokufura ngechimvii ngenyara yokumudyo nokuti yokumuoshwe; vaiya vaBhenjamini, hama dzaSauri.

³ Mukuru wavo ndiAhieza echiteerwa ndiJoashi, veshe vakororo vaShemaa muGibhea; naJezieri, naPhereti, vakororo vaAzimavhethi; Bherakha, Jehu muAnathothi,

⁴ Ishimaia muGibheoni, ngwazi pakati pemakumi matatu nomutungamiriri padera pemakumi matatu; Jeremia, Jahazieri, Johanani, Jozabhadhi, muGedhera,

⁵ Eruzai, Jerimothi, Bhearia, Shemaria, Shefatia muHarufi,

⁶ Erikana, Ishia, Azareri, Joeza naJashobheamu, vaKhora;

⁷ Joera naZebhadhia, vakororo vaJerohamu weGedhori.

Vateeri vaDhavhidha Vaibva kuDzinza raGadhi

⁸ Kubva kunaGadhi vakadzipaura kuti vaende kunaDhavhidha murusvingo ruri mushango, vamuna vari ngwazi vanesimba, vanhu vehondo vanokona kurwa, vaikona kubata zvihlangu nemikhondo, nehope dzavo dzaiya dzakadai ngedzemhondoro, vaikasira kurumba kudai ngemhara mumitunhu:

⁹ Eza nduna yokutanga, Obhadhia wechipiri, Eriabhi wechitatu,

¹⁰ Mishimana wechirongomuna, Jeremia wechishanu,

¹¹ Atai wechitanhatu, Erieri wechinomwe,

¹² Johanani wechisere, Erizabhadhi wechipfumbamwe,

¹³ Jeremia wechigumi, naMakhibhanai wegumi naumwe.

¹⁴ Ava vaGadhi vaiya nduna dzehondo; vadoko vavo vaiya padera pezana, nomukuru wavo waiya padera pegumi remazana.

¹⁵ Ava ndivo vanhu vakaambuka Jorodhani ngomwedzi wokutanga, apo wakazara kuti penu nokubanze; navo vakadzinga veshe vaigara mumabani, ngokumabvazuva nokumabirirazuva.

Vateeri Vaibva kunaBhenjamini naJudha

¹⁶ Vamweni vana vaBhenjamini nevaJudha vakauya kumarusvingo kwaiya naDhavhidha.

¹⁷ Dhavhidha wakabuda kooshongana navo, akati kwevari, “Kudai mwauya ngokunyarara kwendiri kundidetsera, zvino mwoyo wangu unozosungwa pamwepo nowenyu; asi kudai mwauya koondipira kumagaa angu, kunyazwi apana chakashata munyara dzangu, zvino Mwari wemadzibaba edu ngaazvione, atonge.”

¹⁸ Naapo mweya wakauya kunaAmasai, mukuru wenduna makumi matatu, naye wakati, “Tiri vako, iwewe Dhavhidha; tiri vorutii rwako, iwewe mukororo waJesi! Kunyarara, kunyarara ngakugare kwouri; nokunyararawo kunavadetseri vako! Ngokuti Mwari wako ndiye unokudetsera.” Naapo Dhavhidha wakavaashira, akavaita nduna dzezvikwata zvake.

Vateeri Vaibva kunaManase

¹⁹ Vamwe vokwaManase vakatizira kunaDhavhidha, apo paakauya nevaFiristia koorwa naSauri. (Asi aazi kuvadetsera ngokuti vatongi vevaFiristia vakapangana, vakamupetudza vechiti, “Unotizira kunamambo wake Sauri, kwetiri inozoita ngozi padera pemasoro edu.”)

²⁰ Naapo echienda Zikiragi, vakatiza, vakauya kwaari vaibva kwaManase: Adhina, Jozabhadhi, Jedhiaeri, Mikhaeri, Jozabhadhi, Erihu naZirethai, nduna huru dzemakumi emazana dzaibva mwaManase.

²¹ Vakadetsera Dhavhidha kurwa nezvikwata zvemagororo, ngokuti veshe vaiya ngwazi nenduna dzehondo.

²² Vaiuya zuva ngezuva kunaDhavhidha kumudetsera, metsa kwakaita hondo huru, kudai ngehondo yaMwari.

Uwandu hweHondo yaDhavhidha

²³ Uku ndikwo kuwanda kwezvikwata zvevarwi vanezvokurwa, vakauya kunaDhavhidha Hebroni, kookunukudza umambo hwaSauri kwaari, kudai ngezverakaronza izwi raMambo Mwari.

²⁴ Vanhu vaJudha vakatwara zvihlangu nemikhondo zvokurwa ndizvo vaiya makumi emazana matanhatu nemazana masere (6,800).

²⁵ Vanhu vaSimeoni, varwi vanesimba ngwazi dzokurwa, makumi emazana manomwe nezana rimwe (7,100).

²⁶ Vanhu vaRevhi makumi emazana marongomuna nemazana matanhatu (4,600).

²⁷ Jehoiadha mutungamiriri wemhatso yaAroni, waiya nemakumi emazana matatu nemazana manomwe (3,700).

²⁸ Zadhoki, jaha ngwazi yehondo, nenduna makumi mairi navairi vemhatso yemadzibaba ake.

²⁹ Vanhu vaBhenjamini, hama dzaSauri, makumi emazana matatu (3,000); vazhinji vavo ngouwo mukuwo vakaangira kuramba vakabatirira kumhatso yaSauri.

³⁰ Vanhu vaEfuremu makumi emazana makumi mairi nemazana masere (20,800), vaiya vamuna ngwazi dzehondo, dzinembiri mukati mwemhatso dzemadzibaba avo.

³¹ Vanhu vorupande rwedzinza raManase makumi emazana gumi namasere (18,000), avo vakadaidzwa ngemazina avo kuti vauye kooemesa Dhavhidha kuti aite mambo.

³² Vanhu vaIsakha, avo vamuna vanokuzwisisa ngenguva, kuzia zvinosisira kuti vaIsuraeri vaite; vakuru vavo vaiya mazana mairi (200), nehama dzavo dzeshe dzaiita kudai ngokupanga kwavo.

³³ Vanhu vaZebhuruni avo vanokona kurwa, vanazvo zveshe zvokurwa ndizvo, makumi emazana makumi mashanu (50,000), vaikona kudetsera Dhavhidha ngomwoyo umwe.

³⁴ Vanhu vaNafitari nduna dziri gumi remazana (1,000), avo vaiya nemakumi emazana makumi matatu nevanomwe (37,000), varwi vaiya nezvihlangu nemikhondo.

³⁵ Vanhu vaDhani makumi emazana makumi mairi namasere nemazana matanhatu (28,600) vakanasirirwa hondo.

³⁶ Vanhu vaAsha makumi emazana makumi marongomuna (40,000) vakanasirirwa kuenda koorwa hondo.

³⁷ Vanhu vaRubheni, nevaGadhi, nevorupande rwedzinza raManase, kubva ruseri rweJorodhani, makumi emazana zana nemakumi mairi (120,000), vanazvo zveshe zvokurwa hondo ndizvo.

³⁸ Veshe ava vanhu ngwazi, dzakadzironga ngenjira yokurwa hondo, vakauya nomwoyo wakaperera Hebroni, kuti vaemese Dhavhidha kuita mambo padera paIsuraeri peshe; nevamweni veshe vaIsuraeri vaiya nomwoyo umwewo wokuemesa Dhavhidha kuti aite mambo.

³⁹ Vaiyapo naDhavhidha mazuva matatu vechidya nokumwa, ngokuti hama dzavo dzaiya dzakavanasirira.

⁴⁰ Naavowo vaigara pasinde pavo kubvira Isakha, Zebhuruni, Nafitari, vakauya vechiunza zvokudya, padera pembongoro, makamera, manyurusi, kabi, zvokudya zvakawanda, zvoufu, makhekhe emaonde, zvikore zvemavhini, vhini, mafuta, kabi, nemakwai, ngokuti kwaiyapo kudakara muIsuraeri.