1 MaKro. 11 - Bhaibheri Rakachena muChindau

Dhavhidha Unoita Mambo waIsuraeri naJudha

¹ Zvino vaIsuraeri veshe vakaungana pamwepo kunaDhavhidha paHebroni vechiti, “Wona, isusu tiri magodo ako nenyama yako.

² Munguva yakapinda, kunyazwi apo Sauri paaiya mambo, iwewe ndiwe wakatungamirira Isuraeri mukubuda kwake nomukupotera kwake. Mambo Mwari, Mwari wako, wakati kwouri, ‘Ndiwe unozousha vanhu vangu Isuraeri, iwewe ndiwe unozoita mutongi wevanhu vangu Isuraeri.’ ”

³ Ndizvo vakauya veshe vakuru vaIsuraeri kunamambo muHebroni; naDhavhidha wakaita chitenderano navo pamberi paMambo Mwari paHebroni; navo vakadzodza Dhavhidha kuita mambo padera paIsuraeri, kudai ngezvakaronza izwi raMambo Mwari kubudikidza ndiSamueri.

⁴ Dhavhidha nevaIsuraeri veshe vakahamba kuenda Jerusarema, ndiro Jebhusi, nyika yevaJebhusi ndimwo mwevaigara.

⁵ Vagari veJebhusi vakati kunaDhavhidha, “Auzopindi muno.” Zvakanyadaro Dhavhidha wakatora masvingo eZioni, zvino ndiro dhorobha raDhavhidha.

⁶ Dhavhidha wakati, “Kunyazwi ndiani unotanga kurwisa vaJebhusi unozoita mutungamiriri nenduna huru yehondo.” NaJoabhi, mukororo waZeruia, wakakwira kutanga, ndizvo wakaita mutungamiriri.

⁷ Dhavhidha wakagara mumarusvingo; ndizvo vakaridaidza kuti Dhorobha raDhavhidha.

⁸ Wakaaka dhorobha kumarutii eshe, kubvira Miro nokuritendenedza; norupande rwakasara rwakanasiriswa ndiJoabhi.

⁹ NaDhavhidha wakakura nokuangira kukura, ngokuti Mambo Mwari wehondo waiya naye.

Varwi vaDhavhidha Vane Mbiri

¹⁰ Zvino ava ndivo vakuru vengwazi dzehondo dzaiya naDhavhidha, avo vakamugwinyisa muumambo hwake, pamwepo nevaIsuraeri veshe, kuti vamuite mambo, kudai ngezvakaronza izwi raMambo Mwari ngendaa yaIsuraeri.

¹¹ Uhwu ndihwo uwandu hwevanhu ngwazi dzaiya naDhavhidha: Jashobheamu mukororo waHakhimoni, waiya mukuru wenduna nhatu; wakamirudza mukhondo wake kurwa nevanhu mazana matatu (300), avo vaakauraya panguva imwe.

¹² Waiteera sure kwake pakati penduna nhatu ndiEreaza, mukororo waDhodho, muAhohi.

¹³ Waiya naDhavhidha muPhasidhamimu, apo vaFiristia pevakadziunganidza kurwa hondo. Paiya nemunda wakazara ngebhari. Zvino vanhu vaiya vatiza kubva kuvaFiristia,

¹⁴ asi iye naDhavhidha vakaema pakati pomunda, vakaurwira, vakauraya vaFiristia; naMambo Mwari wakavaponesa ngokunyisa kukuru.

¹⁵ Vatatu venduna huru dzehondo makumi matatu dzakadzaka kunaDhavhidha waiya pabuwe mubako reAdhuramu; naapo hondo yevaFiristia yaiya mubani reRefaimu.

¹⁶ Dhavhidha waiya mumasvingo, nehondo yevaFiristia yaiya muBhetherehema.

¹⁷ Dhavhidha wakati ngokudisisa kukuru, “A, kudai umwe angandipawo mvura yokumwa kubva muchinyuka cheBhetherehema, chiri pasinde pemusiwo!”

¹⁸ Zvino vatatu vakahamba ngomukati mwehondo yavaFiristia, vakachera mvura kubva muchinyuka chaBhetherehema, chiri pamusiwo, navo vakaiunza kunaDhavhidha. Asi Dhavhidha aazi kuimwa, wakaidururira kunaMambo Mwari,

¹⁹ wakati, “Mwari wangu asazotenda kuti ndiite ichi chiro. Ndingamwa here ngazi yaava vanhu? Ngokuti ngokudzipira kupona kwavo mungozi vaiunza.” Ndizvo aazi kuimwa. Ngwazi huru nhatu dzakaita izvi zviro.

²⁰ Abhishai hama yaJoabhi, ndiye waiya mukuru pakati peava makumi matatu. Ngomukhondo wake wakarwa nemazana matatu (300) evanhu, akavauraya, zina rake rakaita mbiri pakati pevatatu.

²¹ Ndiye wakapinda kuremeredzwa pamakumi matatu, naye wakaita nduna yavo; asi aazi kutongohanira kunevatatu vokutanga.

²² Bhenaia mukororo waJehoiadha mukororo womunhu waiya ngwazi weKabhizeeri, muiti wezviito zvikuru, wakauraya vakororo vairi vaArieri weMoabhi. Wakadzakawo akauraya mhondoro yaiya muhunza ngezuva rakawa chando chakaita makohoto.

²³ Naye wakauraya muEgipite, munhu waiya gakanyara, waipinda mamitha mairi kureba. Munyara yomuEgipite mwaiya nomukhondo wakadai ngomuti womuruki; asi Bhenaia wakadzaka kwaari anendonga, wakabvuka mukhondo waiya munyara yomuEgipite, wakamubaya ngomukhondo wake.

²⁴ Ndizvo zviro zvakaitwa ndiBhenaia mukororo waJehoiadha, wakaane zina rake rakaita mbiri pakati pengwazi huru nhatu.

²⁵ Wakapinda kuremeredzeka pakati pengwazi makumi matatu, asi aazi kuhanira kunenhatu dzokutanga. NaDhavhidha wakamuemesa kuita nduna padera pevangwariri vake.

²⁶ Ngwazi dzehondo dzaiya Asaheri munun'una waJoabhi, Erihanani mukororo waDhodho weBhetherehema,

²⁷ Shamothi muHarodhi, Herezi muPheroni,

²⁸ Ira mukororo waIkeshi muThekoa, Abhieza muAnathothi,

²⁹ Sibhekhai muHushathi, Irai muAhohi,

³⁰ Maharai muNetofa, Heredhi mukororo waBhaana muNetofa,

³¹ Ithai mukororo waRibhai weGibhea, iro rakaemera kuvakororo vaBhenjamini, Bhenaia muPhirathoni,

³² Hurai wemikova yeGaashi, Abhieri muAribathi,

³³ Azimavhethi muBhaharumu, Eriabha muShaaribhoni,

³⁴ vakororo vaHashemu muGizoni, Jonathani mukororo waShagee muHarari,

³⁵ Ahiamu mukororo waSakha muHarari, Erifari mukororo waUri,

³⁶ Heferi muMekherathi, Ahija muPheroni,

³⁷ Hezro muKharmeri, Naarai mukororo waEzibhai,

³⁸ Joeri hama yaNathani, Mibha mukororo waHagiri,

³⁹ Zereki muAmoni, Naharai muBheerothi, mutwari wezvokurwa zvaJoabhi mukororo waZeruia,

⁴⁰ Ira muIthira, Garebhi muIthira,

⁴¹ Uria muHiti, Zabhadhi mukororo waAhirai,

⁴² Adhina mukororo waShiza muRubheni, nduna yevaRubheni, vaiya naye makumi matatu,

⁴³ Hanani mukororo waMaakha, naJoshafati mukororo waMithini,

⁴⁴ Uzia muAshiterathi, Shama naJeieri vakororo vaHothamu muAroeri,

⁴⁵ Jedhiaeri mukororo waShimuri nehama yake Joha muTizi,

⁴⁶ Erieri muMahavhi, naJeribhai naJoshavhia vakororo vaErinaamu, naIthima muJoabhi,

⁴⁷ Erieri, naObhedhi, naJaasieri muMezobha.