Biblia Todo Logo
Bìoball air-loidhne

- Sanasan -

1 MaKro. 10 - Bhaibheri Rakachena muChindau


Kufa kwaMambo Sauri
( 1 Sam. 31:1-13 )

1 Zvino vaFiristia vakarwa naIsuraeri; nevanhu vaIsuraeri vakatiza kubva pamberi pevaFiristia; vakawa vaurawa muMutunhu weGiribhoa.

2 VaFiristia vakateera Sauri nevakororo vake ngesimba; nevaFiristia vakauraya Jonathani, Abhinadhabhi, naMarikhishua, vakororo vaSauri.

3 Kurwa kwakashatira Sauri, nevanoposhera misee vakamuona, wakaremadzwa ngeavo vaposheri vemisee.

4 Zvino Sauri wakati kumutwari wezvokurwa ndizvo zvake, “Shwamura shoti yako, undiuraise ndiyo, kuti ava vasikazi kuchekwa vasauya nokunditsereketesa.” Asi mutwari wezvokurwa ndizvo zvake wakaramba, ngokuti wakatya kakurutu. Ndizvo Sauri wakatora shoti yake akawira padera payo.

5 Naapo mutwari wezvokurwa ndizvo zvake aona kuti Sauri wafa, iye nayewo wakawira padera peshoti yake, wakafa.

6 Ndizvo Sauri wakafa, iye nevakororo vake vatatu, nevemhatso yake veshe vakafa pamwepo.

7 Naapo vanhu veshe vaIsuraeri vaigara mubani pevakaona kuti vatiza, naSauri waiya afa, nevakororo vake, naapo vakasiya madhorobha avo, vakatiza; nevaFiristia vakauya, vakagaramwo.

8 Ngezuva raiteera, apo vaFiristia pevakauya kootora zviro zvevaiya vafa, vakaona Sauri nevakororo vake vakafa muMutunhu weGiribhoa.

9 Vakamukhumura, vakatora soro rake nechihlangu chake, vakazvitumira nhumwa kunyika dzinotendenedza dzevaFiristia, kuti vadaidzire mashoko akanaka kunezvimwari zvavo nokuvanhu.

10 Vakaisa zvokurwa ndizvo zvake mumhatso yezvimwari zvavo, vakaturika soro rake mumhatso yechimwari chavo Dhagoni.

11 Asi apo veshe veJabheshigireadhi vazwa zviro zveshe zvakaitwa ngevaFiristia kunaSauri,

12 vakamiruka, veshe vamuna ngwazi dzokurwa, vakatora muiri waSauri nemiiri yevakororo vake, vakaiunza Jabheshi. Zvino vakatsira magodo avo pashi pomuokhi muJabheshi, navo vakaera kudya mazuva manomwe.

13 Ndizvo Sauri wakafa ngendaa yokupauka kwake, ukwo kwaakashaisha ngokupauka kubva kunaMambo Mwari; wakapauka ngokuti aazi kungwarira izwi raMambo Mwari, ngokudarozve, wakabvunza kunen'anga inomweya wokufembera, echitsvaka mazano,

14 naye aazi kubvunza mazano kubva kunaMambo Mwari. Ndizvo Mambo Mwari wakamuuraya, akakunukudza umambo kuuisa kunaDhavhidha mukororo waJesi.

Lean sinn:



Sanasan