1 Madzi. 10 - Bhaibheri Rakachena muChindau

Kuhambira kwaMambokadzi weShebha

¹ Naapo mambo womukadzi weShebha wakazwa ngembiri yaSoromoni ngendaa yezina raMambo Mwari, wakauya koomuedza ngemibvunzo yakakonza.

² Wakauya Jerusarema nembungano huru, makamera aitwara makha, nomukore wakawanda kakurutu, nemapuwe anomutengo mukuru; naapo aguma kunaSoromoni, wakaereketa naye ngeizvo zveshe zvaiya mumwoyo mwake.

³ Soromoni wakapingura mibvunzo yake yeshe; paiya pasina chakafishika kunamambo, chaaiya asikakoni kumuronzera.

⁴ Naapo mambo womukadzi weShebha aona kungwara kweshe kwaSoromoni, nemhatso yaakaaka,

⁵ kudya kwepahwarasanza pake, kugara kwevakaita vanhu vakuru vake, nokuapo kwevaranda vake, nezvokusimira zvavo, nevanounza kudya kwake, nemidiro yake yokupisha yaakapira kumhatso yaMambo Mwari, zvakapedza simba rake.

⁶ Ndizvo wakati kunamambo, “Zvaiya negwinyiso zvendakazwa ndiri munyika yangu, ngezviito zvako noungwaru hwako,

⁷ asi andizi kugonda awo mazwi metsa ndauya, nemadziso angu aona. Haiwa, andizi kuronzerwa norupande rwazvo; ungwaru hwako noupfumi hwako zvinopinda mbiri yendakazwa.

⁸ Vanomuchena vakadzi vako! Vanomuchena varanda vako, vanoema pamberi pako nguva dzeshe, vechizwa ungwaru hwako!

⁹ Ngaabongwe Mambo Mwari, Mwari wako, uwo unodakara ndiwe, nokukugadza padendemaro raIsuraeri! Ngokuti Mambo Mwari wakada Isuraeri mhera nariini, ndizvo wakakuemesa kuita mambo, kuti uite kutonga kwakanaka nokwakarurama.”

¹⁰ Zvino wakapa mambo matarenta omukore zana nemakumi mairi (120), nemakha akawanda, nemapuwe anomutengo mukuru; akuzi kuzoapozve makha akapinda kuwanda kuneaya akapuwa kunamambo Soromoni ndimambo womukadzi weShebha.

¹¹ Zvakanyadaro ngarava dzaHiramu dzaiunza mukore kubva Ofiri, dzakaunza miti yemiarimugi, nemapuwe anomutengo mukuru.

¹² Kubva kumiti iyi yemiarimugi mambo wakaita sika dzemhatso yaMambo Mwari, nedzemhatso yamambo, nembira nechidangari zvevaembi; aizi kuchaunzwazve miti yemiarimugi yakadai ngeiyi, metsa nanyamashi.

¹³ Mambo Soromoni wakapa kunamambo womukadzi weShebha izvo zveshe zvaaida, kunyazwi chiinyi chaakakumbira, ngokubanze kweizvo zveshe zvaakapuwa ndiSoromoni zvoupfumi hwoumambo hwake. Zvino wakapetuka, akaenda kunyika yake, nevaranda vake.

Upfumi hwaMambo Soromoni

¹⁴ Zvino kurema kwomukore wakaunzwa kunaSoromoni ngegore rimwe hwaiya matarenta omukore mazana matanhatu nemakumi matanhatu nezvitanhatu (666),

¹⁵ ngepabanze pouwo wakabva kuvatengesi, wakabva kuvatengesi vemakha, wakabva kumadzimambo eArabhia, nowakabva kuvatongi venyika.

¹⁶ Mambo Soromoni wakaita zvihlangu mazana mairi zvomukore wakapfurwa; chimwe ngachimwe chakaitwa ngemakhirogramu manomwe omukore.

¹⁷ Wakanasira zvihlangu zvomukore wakapfurwa mazana matatu; kurema kwacho kwaiya makhirogramu mairi omukore kuchihlangu chimwe ngachimwe; namambo wakazviisa mumhatso iri mugwasha reRebhanoni.

¹⁸ Mambo wakaitazve dendemaro guru renyanga dzenzou, akariseta ngomukore wakapindisisa kunaka.

¹⁹ Dendemaro iro raiya nemadanho matanhatu. Padera pedendemaro ngesure raiya rakatenderera; ngokumarutii mairi aro kwaiya nezvitsimiso zvemioko, nemiedzaniso miiri yemhondoro mbiri dzakaema pasinde pezvitsimiso zvemioko.

²⁰ Mhondoro gumi nambiri dzaiema, imwe ngaimwe kumagumo emadanho matanhatu. Kwaiya kusinazve narimwe rakambonasirwa rakadaro mukati mwoumambo hwenyika dzeshe.

²¹ Zvidziyo zveshe zvokumwira zvamambo Soromoni zvaiya zvomukore, nezvidziyo zveshe zvemhatso yemugwasha reRebhanoni zvaiya zvomukore wakaera; paiya pasina zvesirivha, ngokuti zvaiya zvisina shwiro ngamazuva aSoromoni.

²² Ngokuti mambo waiya nengarava dzakawanda muruandhle rweTharshishi, pamwepo nengarava dzaHiramu. Kamwe pamakore matatu dzaiuya ngarava dzeTharshishi, dzechiunza mukore, sirivha, nyanga dzenzou, matede, neshiri dzinozwi phikhoki.

²³ Ndizvo mambo Soromoni wakapinda madzimambo eshe enyika ngoupfumi noungwaru.

²⁴ Vanhu venyika dzeshe vakatsvaka Soromoni, kuzwa ngoungwaru hwake uhwo hwakaiswa ndiMwari mumwoyo mwake.

²⁵ Munhu weshe wakaunza chipo chake, zvidziyo zvesirivha nezvomukore, zvokufuka, zvokurwa ndizvo, mitombo inegwema rakanaka, mahachi, nemanyurusi, gore ngegore.

²⁶ Soromoni wakaunganidza pamwepo ngoro nevagadhi vemahachi; naye waiya nengoro mazana gumi namarongomuna (1,400), nevagadhi vemahachi makumi emazana gumi namairi (12,000), avo vakaunganidzwa mumadhorobha engoro, nokuna mambo muJerusarema.

²⁷ Mambo wakaita kuti sirivha ridai ngemapuwe asina shwiro muJerusarema, nokuita miti yemisidhari kuti iwande idai ngemiti yemisikhamori iri mubani ngouwandu.

²⁸ Soromoni wakaunza mahachi kubva Egipite noKue, vatengesi vamambo vakaaashira ngomutengo.

²⁹ Ngoro dzaibva Egipite dzaikona kutengeswa ngezvigurwa zvesirivha mazana matanhatu (600), nehachi raitengeswa ngezana nemakumi mashanu (150); ngokudaro vakazviunza ngenyara dzavo kumadzimambo evaHiti nevaAramu.