SALMOS 93 - Icamanal Toteco

Toteco tahuel hueyi

¹ ¡TOTECO tanahuatía! Yaya tahuel hueyi hasta quipiya itatanex cati tahuel cuajcualtzi. Quitatzquilti nelcuali ni taltipacti, huan amo hueli mojmolinis ten itatzinpehualtil.

² Nochipa hasta ten huejcajquiya ta tijpixtoc tanahuatili, huan nochi cati itztoque ipan motanahuatilis itztoque temachme. San ta tiitztoc para nochipa.

³ TOTECO, nopa hueyame caquisti para mitzpaquilismacaj quema mocoxoníaj.

⁴ Pero ta, TOTECO, cati tiitztoc hasta huejcapa tijpiya más chicahualisti, huan amo quej nopa at cati mocoxonía ipan nochi huejhueyi at ipan taltipacti.

⁵ Motanahuatilhua amo quema mopataj. TOTECO, para nochi xihuit huan para nochi tonali motequiticayo eltoc senquisa tatzejtzeloltic.