SALMOS 67 - Icamanal Toteco

Se huicat para quitascamatis Toteco

¹ Toteco Dios, xijpiya hueyi moyolo ica tojuanti huan techtiochihua. Ma petani moxayac pampa tipaqui ica tojuanti quema techhualtachilía hasta ten nepa ilhuicac.

² Nochi masehualme ipan taltipacti ma quiixmatica moojhui. Masehualme ipan nochi talme ma quimatica para ta titemaquixtía.

³ NoTeco Dios, ma mitzpaquilismacaca nochi masehualme ipan taltipacti. Quena, nochi masehualme ma mitzhueyimatica.

⁴ ¡Ma paquica nochi masehualme ipan nochi talme huan ma huicaca pampa ta, tiinintanahuatijca! Ta tiquintajtolsencahuas quej quinamiqui, huan nochi talme tiquinyacanas xitahuac.

⁵ ¡NoTeco Dios, ma mitzpaquilismacaca nochi ipan taltipacti! ¡Quena, nochi masehualme ma mitzhueyimatica!

⁶ Ni tali temacatoc miyac pixquisti, pampa ta, Toteco Dios, cati titoDios tojuanti, tahuel techtiochijtoc.

⁷ Quena, noja más techtiochihuas, Toteco Dios, huan masehualme campa hueli ipan ni taltipacti mitztepanitase huan mitzimacasise mitzixpanose.