SALMOS 150 - Icamanal Toteco

Xijpaquilismacaca Toteco ica miyac tamanti tepos tatzotzonali

¹ ¡Xijpaquilismacaca TOTECO! Xijpaquilismacaca TOTECO ipan itiopa. Xijpaquilismacaca nepa ipan ilhuicac cati yaya quichijchijqui ica ihueyi chicahualis.

² Xijpaquilismacaca por nochi nopa huejhueyi tamanti cati yaya quichihua. Xijpaquilismacaca pampa tahuel hueyi ichicahualis.

³ Xijpaquilismacaca ica tapitzali, Xijpaquilismacaca ica guitarra huan ica arpa.

⁴ Xijpaquilismacaca ica panderos huan ximijtotica. Xijpaquilismacaca ica nochi tamanti tatzotzonali cati quipiyaj cuerdas, huan ica acatapitzali.

⁵ Xijpaquilismacaca ica platillos cati cuajcualtzi tzilinij.

⁶ Nochi cati yoltoque ma quipaquilismacaca TOTECO. ¡Xijpaquilismacaca!