SALMOS 120 - Icamanal Toteco

Netatajtili para Toteco ma quimanahui ten nopa istacatini

¹ Quema niitztoya ipan taijyohuilisti, nijtzajtzili TOTECO huan yaya nechnanquili. Niquilhui:

² “TOTECO, techmanahui inimaco nopa masehualme, cati nechistacahuíaj huan nechejelnamiquij.”

³ Ma moilhuica nopa istacatini taya ininpantis por iniistacaticayo.

⁴ Quintamicocoyotzase ica cuataminti huan quintatise ipan ticoli.

⁵ Nelía niteicneltzi na cati niitztoc inihuaya ni masehualme ten tali Mesec huan Cedar. Nelía nitaijyohuía tatajco ten inijuanti, pampa yon se ten inijuanti amo mitztepanita, Toteco.

⁶ Ya nisiyajqui para niitztoc inihuaya ni masehualme cati amo quinequij ma onca tasehuilisti.

⁷ Quema niquincamanalhuía quenicatza hueli tiitztose ica tasehuilisti, inijuanti quisencahuaj quenicatza tatehuise.