SALMOS 1 - Icamanal Toteco

Tajtacolchihuani huan cati itztoque xitahuaque iixpa Toteco

¹ Paqui nopa masehuali cati amo quitacaquilía inincamanal amo cuajcualme, yon amo quintoquilía tajtacolchihuani. Yon amo mohuica inihuaya cati ica paquij TOTECO.

² Nopa masehuali quipantía hueyi paquilisti pampa quichijtinemi cati quiijtohuaj itanahuatilhua TOTECO, huan ipan nopa tanahuatilme moyolilhuijtinemi tonaya huan tayohua.

³ Nopa masehuali itztoc quej se cuahuit cati moscaltía nechca atenti, huan temaca itajca quema ipohual huan amo quema xihuiyo tepehui. Nochi cati quichihua quisa cuali.

⁴ Pero amo quej nopa ica masehualme cati amo cuajcualme, pampa inijuanti itztoque quej tasoli cati quihuica ajacat.

⁵ Yeca quema TOTECO tetajtolsencahuas, nopa amo cuajcualme amo huelise quiijyohuise, pampa yaya tahuel chicahuac quintatzacuiltis. Quena, ipan nopa tonali tajtacolchihuani ayecmo huelis itztose inihuaya masehualme cati itztoque xitahuaque iixpa.

⁶ Pampa TOTECO quiixmati nopa ojti cati quitoquilíaj masehualme cati itztoque xitahuaque, pero masehualme cati quichihuaj cati amo cuali, polihuise.