Psalms 23 - Nishga Scripture Selections 1890 1897 (Canada)

PSALM XXIII.

Giel ʻle Psalmtqus David.

¹ JEHOVAH ʻl liʻlkšim matikši: gan nigi dum di gwēi.

² Laḵ amāuksim ama habesqu dum t’ wil giēʻlani: awāʻl aksim gan‐squaitqu dum t’ wil dēantqui.

³ Dum gi t’ ša‐gan‐daouʻl gaudi; niʻl dum gi t’ lū di‐yoḵqu‐di aʻl zim ʻle gag̓ēg̓sʻl Am, aʻlwil ʻle wat ge dum gan welt.

⁴ Yai nēt, n’daʻl ʻla dum yēi aʻl zim den ge wil lū‐sg̓ēuḵqu ʻl gan‐didáouḱ, nigi dum ḵbizawi aʻl hadaḵqu; aʻlwil hōksquin ge laui, ʻle ha‐g̓alāwin ge ganʻl g̓ādin dum t’an šidaḵgiat ʻl gaudi.

⁵ Niʻl mi dum gi gwuldim‐gaudan ʻl Halitḵauḵqu aʻl gašēwi, aʻl gazalzal’s dip nēdit ge t’an lū‐ši‐wantqu ʻl gaudi. ‘La mi gauzikš‐ani aʻl ama dēliḱ, wait g̓al mētqu ʻl ha‐aksi.

⁶ Yai nēt ʻl ām ganʻl g̓ēim‐gaud dum t’an yoḵqui aʻl tḵanētqu ʻle šadiʻl gan‐didēlisi, niʻl dum gi lū‐dāi aʻl zim wilp’s JEHOVAH a ze gapīʻl ša.