THUHILHTU 11 - Ngawm Bible

Micip Tei Ngamtat Dan

¹ Sum bawlnak tukin na sumte mangin, Ni kha khat ten a met ngah tuk ci.

² Na neihmi cu khen salih ahimata khen liatah khenin, Leihumah iti bang thusia heng tuk hum tih thei ham ma ci.

³ Meinimin, nguah a pua tale, leihumah buaksuk tuk hi, Thingkung cu hanglamah hihen saklamah hihen a tuk ten, A lupnak mun pohah tang hi.

⁴ Huih bek a zo ten anci cing haw ma, Meinim bek a zo ten an cawm awng tukma.

⁵ Numei i pum sung a paimi nauno, Iti bangin nunnak bul pan tih na theih thei ngawl bangin; Ihempoh tithei Pathian i nadehnak cu thei zo ma ci.

⁶ Zinglamah anci cing inna, taklam tian cawl pahsun; Iti bang po pha tuk tih thei ma ci; A pa nih haw in, khang haw tuk maw tih hei thei ma ci.

⁷ Khuavak cu phazet hi, Ni al muh hei hi nop hi.

⁸ Mi pa khat kum ngeipi a nung tale Lungdam leleng hen. Mahnaven a thih ten khuathim cu, a ca in, sauzet tuk tih cinglengin hi. Mailam ca muansan tuk umma hi.

Khangno Tei Ca Nunhilhnak

⁹ Khangnote aw, na khanno laih uhin lungdamin um un; Na khanno lai hun hi komzetno in mang unna, na lungmu deihnak le, na mitin, a puinakah zui in hi. Mahnaven hih thil hempoh hangin Pathian in, na thukhen tuk, tih thei lengin hi.

¹⁰ Na lungkhamnakte vawk inna; na tisa i haksatnakte vawkin; Itahim titale na khanno hun cu ngei tukma toh hi.