THIAMPI NADEHNAK 21 - Ngawm Bible

Thiampi Tei Thianthohnak

¹ Topa in Moses nelah, Aaron hin thiampi hilh tukin hi bangin hilh hi. “Iti bang thiampi hei hihen,

² a nu le pa, a capa le canu, a unau le,

³ a inn a, um pasal nei ngawl a celnu tei luang vuinakah a tel tih sialngawl, adang luang vuinakah telin, mi thiangtho ngawlin bawldun cawmtik pahsuh hen.

⁴ Pasal nei a celnu a thih hei ten a luang vuinakah tel pahsuh hen.

⁵ Iti bang thiampi hei in, a mithi ngaihnak langtik tukin a lu met pahsuh hen, a khamul vang met pahsuh hen, a taksa vang sun pahsuh hen.

⁶ Thiampi cu mi thiangtho hi tuk a, ka minsiatik pahsuh hen. Ka nelah biakpiaknak bawltu a hih hangin mi thiangtho hi tuk hi.

⁷ Thiampi in, taksa a zuak awngmi nu, ahimata khanglai him ahi ngawlmi le pasal tuah a khek zomi numei cu a zi in huai pahsuh hen. Thiampi cu mi thiangtho hi.

⁸ Thiampi cu ka nelah biakpiaknak bawltu a hih hangin mipi in mi thiangtho in ngaihsutmi hi tuk hi. Keimah cu Topa ing hi; a thiangthomi hi ing a, ka mihingte vang mi thiangtho in bawl ing.

⁹ Thiampi i canu numei pha ngawlin, a um tale, a pa a mai nintik a hih hangin amah cu mei tuah haal hi tuk hi.

¹⁰ “Thiampi Sang, a lu ah sathau thih sa mi le thiampi thuam silh tukin mi thiangtho a bawlsa mi in, a mithi ngaihnak hangin, a sam kiat ngawlin umma hen, a puan hei botkek pahsuh hen.

^11-12 Ka nelah a apsa a hih hangin a nu le pa tatak a thi haw hei in, a luang umnak inn sungah tumin mi thiangtho ngawlin suak tikduncop pahsuh hen; ahimata ka Puanbuk thiangtho zamsanin, mi luang innah a tum hangin ka Puanbuk cu nintik pahsuh hen.

¹³ Khanglai him huai hen hi.

¹⁴ A huaimi cu meivong hi ma hen; midang tuah khekdun sa mi le numei pha ngawl awng mi vang hi tukma. A huai mi cu amu hin sung um khanglai him hi tuk hi.

¹⁵ Mahtin ahi ahimata mi thiangtho hi tih tukmi a ca cu, mithiang ngawl suak haw tuk hi. Keimah cu Topa ing. Keima Thiampi Sang hi tukin a dangno in ka tenmi hi,” tin ti hi.

¹⁶ Aaron hilh tukin

¹⁷ Topa in Moses cu hi tin ti hi, “Na casuan tei lak pen sonbangmi tuah ka nelah biakpiaknak bawl haw pahsuh hen. Hihi cu kumkhua in, na zui tuk uhmi hi.

¹⁸ Taksa kim ngawlnak, a neitu in biakpiaknak bawl pahsuh hen, mitcaw, ke bai, mai them mi, khut le ke kim ngawlmi,

¹⁹ ahimata a khut le ke liam mi,

²⁰ elkunmi, papi sial tak ngawlmi ahimata mit pha ngawlmi, tithak nei le tilngeh miten biakpiaknak bawl haw pahsuh hen.

²¹ Aaron casuan taksa kim ngawlmi in, ka nelah biakpiaknak bawl haw pahsuh hen.

²² Ka nel a, piakmi biakpiaknak, a thiangthomi biakpiaknak, a thiangtho biakpiaknak ei thei haw tuk hi;

²³ Mahnaven taksa kim ngawl a hih haw hangin, puanzak thiangtho le biaklandawh elah hung hihim haw pahsuh hen. Ka mun thiangtho a, na nintik haw pahsuh hen, itahim titale kei cu Topa ing a, ka thianthohtik mite hi,” tin ti hi.

²⁴ Hithu ah cu Moses in, Aaron le a capate, le Israel mi hempoh nelah a hilhmi hi.