SOLOMON LA 8 - Ngawm Bible

¹ Suahpih tuai hi saw ahin nuam naveng, semnak lei bangah; zalam len munah a sialsikdun bek uhten, na mui ngim nam tuk veng sih kum poisa ma veng.

² Ngaihno kei hu zui inna, ka zua nu i dong sungno pen, Ngaih nang cawi thah kekno in; sabitzu le Talezu, cubel nang pia tuk veng.

³ Na vei khut tuah kawi inna, na taklam khut tuah pomin hi.

⁴ Jerusalem zozaamte aw, ngaihdun khau supelh pahsuh un. Pel tuk ngawl thutiamin hi.

La Cing Luknak Numeite:

⁵ Oh! sulcam pen tul ngel kua kaw a lenlung tuk val pa, a khut lenleng a le. Na semnak dongdawhno, apple kung nuai pen phong ing;

Numei:

⁶ Cu dang nei pah saw maw, ngaihdang nei pah saw maw nang ngaih ka thuaknakno cu; a thi tiamdun bang um khal hun mei alh lekpi bang.

⁷ Daita in mittik zo ngawl, itdunnak ung cu maw; salun tui i taihzawh ngawl; neihnakin lei tumtu cu, mualphonak vanlai khak.

A ningpate:

⁸ Nawibawk ngawl laihno, sempih tuai pa khatno cu; Dinpihtu nei in hung, deihtuno a leng ahin, itin donleh kam?

⁹ Inn up pang bang ahi ahin, ngun pang tuah um tuk ing, Inn kongkhah bang ahi ahin, sidar tuah kalh tuk ing.

Numei:

¹⁰ Ka thuang cawm ung cu maw, tausangte tian sang veng. Ittu ka hihnak cu thei leng tuk veng.

Pano:

¹¹ Baal Hamon sabit dum nei a le, bawimang Solomon in, mahlaino munah; dum cingtu nei a le; Thingngah tei man tukin, sui sum thawng khat na kul.

¹² Dum khat cu nei bok veng, sui sum thawng khat cu la in, Solomon ka ngaihno; sum za nihno cu, dum cing ten nei poh hen.

¹³ Dum sung khungleng ngaihno, na zei aw ung cu maw; Cam lual ten thei bok hen; kei hei na than bokin hi.

Numei:

¹⁴ Cubel, ka ngaihno; ka nelah zuan tohin, namtui mualhum a um, saleel le zuksano bang; ka nelah zuan tohin hi.