SOLOMON LA 4 - Ngawm Bible

Tangval

¹ Maimit cuan hih nang, ngaihno mawi lak pen deih awh cuang, Na maimit silselno cu, lokhu maimit mawino bang Leng sesep na saisam, Gilead mual a, keelhon tali bang.

² Na ha cam tian mawi tale mulmeh ka tuuno bangin; cam dimdiamin mawi thong.

³ Na mukno le san silsel, zei aw mawi le maikhuh puanlim mawino pen; Taleti lemkehno bang, na biangno lang a le.

⁴ Na ngawngno ung cu maw, bawi David tian sang hum a; Ngal van thawng khat bah khawm bang, Sui long-awh bahnak vei.

⁵ Na awm a, mi pa nihno cu Lily pak camtei lak a, zuksano phil nawicawp bang ci.

⁶ Thai khuavak li awn zo, huih hio theu silsial zo, Mura le fragrant umnak mualah hawh tung.

⁷ Deihbel na mawinakno cu! Otlap um ngawl mawi cuang!

⁸ Cang tepsa; ka zaawlnu, Lebanon mual pen hungin hi; Kiosa le tavang umnak, Amana le Hermon mual pen, hungsuk aw maw.

⁹ Son cim theih ngawl ngaihno, na ang a awh khi-ngui ten, thinlai lungkuaizet thong.

¹⁰ Na itnakin lungnoptik, lungnoptiktu ka zaawlnu; Na velno ung cu maw, hum saw vei sabit sang;

¹¹ Ngaihno na muk cu maw, khuaihum sang hum saw laih vei; Na lei cu khuaihumno bang poh vei, Na silh puan ahi tale Lebanon ngim bang namtui.

¹² Cang tepsa ka ngaihno, ciktui le upmi huan bang;

¹³ Na biangno Tale dum bang a sungah thingthei namkim; Henna namtui in zel.

¹⁴ Phunsang namtuibel hena le sparknard, saffron, calamus le cinnamon, fragant mura le aloes um.

¹⁵ Lebanon pen put tuino, ciktui hang hing dimdem.

Numei

¹⁶ Sim le zo huih aw, ka dum sung thingthei namtui, Hawhpih hi, nam bingbengin; ka ngaihno dum sung hawhin, Ei hen thingthei ukbelte.