SOLOMON LA 3 - Ngawm Bible

Numei

¹ Zan ka zaunak hum pen, ngaihno, mai man pah ing; Ka zeileh li awn tale, amah sialsileh si ngawl.

² Zalam tuanin khua lakah, lam tihkim, cuan kawkawi veng; tawk le tawk thei ma veng!

³ Keimah in, suahdawng cing ten, “Ka ngaihno mu uh cim?” tin amuhte dong kawkawi veng.

⁴ Amuh ka pial bek ten; ngaihno sialsileh ing; Hahleh sial ngawl tohno in, nui dong sung hen tian, a khut pen len lo le lam ing.

⁵ Jerusalem zozaamte aw, khal khawk lel tuk ngawlno in, Thaksa le zuksa min tuah zuksa min, tuai ten thutiam bawl un.

La Cing Thumnak Numei

⁶ Mura le Fragrant namtui, sumbuk pak namtuite, A halmi haw i khu bang, ngamsung pen a tulmi khi, i hi tuk nen tim?

⁷ Cuan hem un, Solomon bawi Israel lak sung pen, ngalpha sawm luk ten cing.

⁸ A venghawngin ngalnam mangthiam, ngaldo thiam mite hi in hi. Zan ngaldo do thei tukin, ngalnam mangtik haw nei.

⁹ Thing phun phabel tuah bawlmi, khunnak humah khungin, zawng haw Solomon bawi.

¹⁰ Bawi khunnak ke ngun khu huh, Sui bang puan mawi tuah tuamin, A khunnak phah sandup puan; Jerusalem nu i, tah mawino.

¹¹ Zion zozaamte tul un, Solomon cuan tukin; A sui lukhuh khu in, a zi huai puai ni-in; a zua nu i khuktikmi.