SAAM LABU 98 - Ngawm Bible

Pathian Lei Buppi Uktu

¹ Topa i lakah la thak sa un! A lamdang nate bawl zo hi. A huham le a zaangtha ngilnak thiangtho in ngalte neh khawng zo hi.

² Topa in, a ngal nehnak thu cu than hi; Mi a patsuah theihnak huham cu, miphun le nam hempoh tei lakah theihtik khawng hi zo hi.

³ Topa cu ama itnak le a muantaknak hangin Israel tei lak a thutepmi kimtik hi. Vanhaang nuai mihing hempohin, ohtei Pathian i ngal nehnak cu mu khawng haw hi.

⁴ Maw leihum mihing hempoh, Topa i lakah lungdamnak lasa un; Amah pahcoihnak lasa unna, lungdamin au un!

⁵ Pahcoihnak lasa in Pathian cu thangphat un; Phaidaakte tumin thangphat pahcawi un!

⁶ Pengkul le pheveu tuah kumpi a Pathian i mai ah, lungdam thatui in au un!

⁷ Maw tuipi le tui sung um nganhing hempoh, nging zetin au un! Maw leipi le a sungum a nungmi hempoh ten lasa un.

⁸ Maw tuipi thuanthumte baibeng un! Maw mualte, Topa i mai ah lungdam thatho zetin lasa ten un!

⁹ Itahim titale lei buppi uk tukin Topa cu hung hi. Aman lei buppi i mihing hempoh cu dikcangnak le thuman tuah uk tuk hi.