SAAM LABU 97 - Ngawm Bible

Uktu Ngengbel Pathian

¹ Topa cu kumpi hi! Maw Leipi, lungdam thatui in! Maw tuipi a ummi tuikulhte na thatui un!

² Meinim le khuathim cu a elkimah um haw hi. A ngam uknak cu thudik humah a bul phut hi.

³ Mei-alh cu a mai ah hawhin; A elkim a ummi a ngalte kang khawng hi.

⁴ A khuaphelepin lei buppi vaktik hi; Mahmi cu leipi in mu in, can tawtok hi.

⁵ Lei buppi uktu Topa i mai ah mualte cu khuainun bangin zung khawng thong haw hi.

⁶ Van ten a dikcangnak thu phuang haw in, mi hempoh ten a sunloihnak huham mu haw hi.

⁷ Milim a biatu cu zakca in um haw hi; pathian dang hempoh vangin, Topa i mai ah kun haw hi.

⁸ Topa aw, na thukhennak hangin Zion miten a lungdam haw in, Judah khuapite vangin a thinnop haw hi.

⁹ Maw Cungnungbel Topa, nang cu lei buppi uktu hi ci, pathian dangte hempoh sangin ngeng saw ci.

¹⁰ Topa in thilpha ngawl a huatute cu it hi; A mihing tei nunnak cu hupin, mi siasuak tei khut sung pen luan hi.

¹¹ Midikcang tei humah vaknak hengin; Mipha tei humah lungdamnak heng hi.

¹² Topa i na bawlmi i hangin, mi dikcangte, lungdamin thangphat un; Thiangthobel ama bawlmi hempoh cu phawk leleng un; A lakah lungdamnak pia un.