SAAM LABU 86 - Ngawm Bible

Bopnak Ca Thungetnak

¹ Maw Topa keimu lam hekin bawm saw in hi, itahim titale thanem mi le bawmtu nei ngawl mi hi ing.

² Thihnak pen hupin, na ca muantak ka hih uh bangin, thihnak pen hupin, nangmah a muangtu sila ka hih uh hangin panin hi.

³ Topa aw, nangmah cu ka Pathian na hih hangin, ka humah hehpihnak nei zalin hi. Sun nilui na nelah thungen ing.

⁴ Topa aw, na nelah thungen ung. Na silate nunnoptikin,

⁵ Maw Topa nang cu pha in misual ngaidam ci; Na nelah thu a ngentu tei ca in itnak tuah dimtik ci.

⁶ Maw Topa ka thungetnak ngai in; Hehpih kunin ka aunak awte ngai zazalin hi.

⁷ Haksatnak ka tawh ten nangmah sam ing; Itahim titale ka aunak awte ngai ci.

⁸ Topa aw, nangmah bangtu pathian dang umma hi. Na bawl theih mi bawl theitu kuamah umma hi.

⁹ Na semsuah mi miphun hempoh ten na nelah hungin, lu kun haw tuk hi. Na min cu thangphat haw tuk hi.

¹⁰ Itahim titale Pathian nangmah bek ngilzet ci. Nangmah bek nalamdang bawltu hi ci.

¹¹ Maw Topa aw, bawl tuk na deihmi cu hilh inna, muantak zetin, na thu zui tung a, lungmu tak tuah nadek tung hi.

¹² Maw Topa Pathian ka lungmu venghawngin thangphat tung, Na Min cu kumkhua in thangphat tung.

¹³ A kho mi na itnak cu ka ca in, ngengzet hi! A thukmi khan pen nunpan zo ci.

¹⁴ Maw Pathian aw, mi pualthau ten keimah do haw. Mi ngilo khenkhat ten keimah thah tum haw hi.

¹⁵ Maw Pathian aw, nang cu itnak, hehpihnak tuah a dimmi Pathian hi ci. Thinsau in hehpihnak nei leleng tu hi ci. Mi hehpihin muantak hi ci.

¹⁶ Kohtei lakah hungin kohte hehpihin, ka nu in nangma na a deh bangin kohte vangin nangma na dek tuk ung hi. Tha ngilnak pia inna, panin hi.

¹⁷ Maw Topa na phatnak langtikin hi. Keimuh hehnemin, na boplam keimuh a huatu ten amuh haw ten a zakca haw tuk hi.