SAAM LABU 85 - Ngawm Bible

Ngam Ca Thungetnak

¹ Topa aw, na ngam ca hehpihnak nei zo ci. Israel cu neinung zetin umlehtik zo ci.

² Na mihing tei sualnak cu zahin, A khelhnak haw hempoh vawksak ci.

³ Amu hum a na thinuknak cu damtik ci. Na thinuk pulhannakte daitik ci.

⁴ Maw Pathian aw, pantu kikleh inna, kohtei humah lungdam ngawlin umleh toh pahsun.

⁵ Kumkhua in kohtei humah thinuk tuk cim? Na thinuk pulhangnak cu phaleh thei tukma toh maw?

⁶ Ka thazaang uh cak lehtikin, na mihing ten thangphat pahcawi tuk ung hi.

⁷ Maw Topa na itnak cu langtikin kohte hi panin hi.

⁸ Topa Pathian i hilhmi cu ngai ing. Kohten silnak lampi cu ka zamsan thei uh tale lemdaihnak thupha pia tung tin thutiam hi.

⁹ Amah a upattute pan suak tukin mansa lelengin um hi. A umpihnak cu ohtei ngamah kho tuk hi.

¹⁰ Itnak le muantak hihnak cu tawkdun haw tuk hi; Dikcangnak le lemdaihnak cu kawidun haw tuk hi.

¹¹ Mihing tei muantak hihnak cu lei pen vanah heng tuk hi. Pathian i dikcangnakin van pen zosuk tuk hi.

¹² Topa in mihau in bawl tuk a, a ngam uhah an tampi suak tuk hi.

¹³ Topa i mai ah dikcangnak cu hawhin ama ca in lampi sial tuk hi.