SAAM LABU 82 - Ngawm Bible

Kumpi Hempoh i Kumpi

¹ Vancung a, thuvai siam khawmnak sungah; Pathian cu hotu dekin, pathian tei lakah thukhen hi.

² A man ngawl a thu khennak na bawl uhte cawl un, mipha ngawl tei lamah tangleh toh pahsuh un.

³ Mi tingsam le nu le pa nei ngawl mi ca-ngahte bawm un! Bawmtu nei ngawl mi haksa tei humah a dikno in thu khen un.

⁴ Mi ca-ngah le tingsamte hup unna, mi ngil tei khut pepan un.

⁵ Imah thei ngawl leita uh ci! Sil thei lawlawm uh ci! Khuathim sung a ngamtat haw sia khawng zo hi. Thudik tihmi leihum pen pai zo hi.

⁶ ‘Nangmuh hei cu pathian hi uh ci,’ tin hilh ing. ‘Na venghawng uhin Cungnungbel i ca hi uh ci.’

⁷ Mahnaven mihing bangin thi tuk uh ci. Iti bang kumpi capa hei a nunnak a bo bangin, Nohte vang na nunnak uh bo bok tuk hi.”

⁸ Maw Pathian aw, hungin leipi hi ukin, Miphun hinnam hempoh hi nangmata hi.