SAAM LABU 8 - Ngawm Bible

Pathian Sunloihnak le Mihing Thupinak

¹ Topa aw, Ka Topa uh, Leihum buppi a na min a thandan hi! Nang a thangphatnak haw van khong hi;

² Naupang le naumom ten la in sa haw hi: Na ngalte le nang a dodaltute kham tukin, kulhtian cu nangmah in, a kho zetin tiang zo ci.

³ Na khut i bawlmi van cu zo ing. A umnak tek haw ah na koihmi hade le aksite ka muh ten,

⁴ mihingte na mahelh tak tukin icaung haw kaw? Mihing thongpoh cu ihi cuang haw kaw, na ngaihsak lih?

⁵ Mihing cu nangmah sangin niam saw deuhin bawl ci, Sunloihnak, upatnak cu lukhu bangin khutik ci.

⁶ Na semsuahmi hempoh humah uktu hitik ci, Ihempoh a ke nuai ah koih ci.

⁷ Tuu le khui hampa lak a ngamsate,

⁸ Vano le tuisung um ngasa le Tuisung a nungmi hempoh humah koih zo ci.

⁹ Topa aw, ka Topa uh, Lei buppi a, na min a thandan hi, ngengzet si!