SAAM LABU 77 - Ngawm Bible

Haksat Hun Ten Lungmuannak

¹ Pathian nelah ngingzet au ing; Ngingzet ka au ten aman thei hi.

² Ka haksat ten Topa i nelah thungen ing, Baanzakin, zankhua thungen ing. Mahnaven lungmuannak ngah mang.

³ Pathian ngaisungin thinkham zetin tau ing. Ka lungmu in thu ngaisungin ka tha nau sesem ing.

⁴ Pathian in zankhua hihbuh citik ma hi. Ka lungmu hak leita awn thei mang.

⁵ A bosa mi ni le hate ngaisung ing; A bosa mi kumte phawkleh ing.

⁶ A phunkimin zankhua thu ngaisung ing; Ngaisungleh hehetin, ka lungmuno in dongcop ing.

⁷ Topa in kumkhua in vawk tuk maw? Ohtei humah a lungdamleh awng tukma toh maw?

⁸ A itnak cu bo ngangai tatuk maw? A thutepnak hi ituk mahten a kim ni umleh tukma toh maw?

⁹ Pathian in hehpihnak nei lehma toh maw? A hehpihnak cu a thinuknakin khuhcihta maw.

¹⁰ I dang sangin ka thin a natikbelmi cu Cungnungbel Pathian in, “Ohtei ca nadekleh ma zo tihmi hi,” tin ti ing.

¹¹ Topa aw, na thil bawlte, thasiahhuai nate cing leleng tung, A bosa mi hun a ngaihsut bat ngawl na bawl mite phawkleh tung hi.

¹² Nangma nadehsa hempoh ngaisungleh tung; Na bawlmi a venghawngin ngaisungleh tung.

¹³ Maw Topa aw, na bawlmi na hempoh hi, thiangtho hi. Nangmah bang a thawmngengmi Pathian kuamah umma hi.

¹⁴ Nang cu nalamdang bawltu Pathian ci. Miphun tampi tei lakah na ngilnak langtik ci.

¹⁵ Na huhamin, Jakob le Josef i casuante na mihingte pan ci.

¹⁶ Maw Pathian aw, tui ten amuh haw ten lau in, tuipi thuanthum cu a thukbel mun tianin can tawtok haw hi

¹⁷ Meinim ten nguahtui leihin, van pen vanthum dudumin, mun hempoh ah keekta a, khuaphelep zawzok hi.

¹⁸ Na vanthum cu catngawlin khua hempoh ah tol dudumin, Na khuaphelepin lei buppi det hi. Lei buppi cu cantawtokin hing dudum hi.

¹⁹ Nang cu tuipi tanvawkin hawh ci; A thuk zetmi tuipi thuanthum vang kaltan vawk ci. Mahnaven na ke ngiah cu muh theih ma hi.

²⁰ Na mihingte cu tuucing bangin lamhuai ci. Moses le Aaron cu hotu hi haw hi.