SAAM LABU 76 - Ngawm Bible

Pathian Cu Nehtu Hi

¹ Judah ngam sungah Pathian cu akua a bangin thei khawng haw hi. Israel ngamah a minthangzet hi.

² Jerusalem ah inn nei in, Zion mualah amah um hi.

³ Mahlai pen Topa in ngal tei thalcang, lumphol le ngalnamte ektuah khawng hi.

⁴ Maw Topa na sunloih dan hi! Na ngalte na nehnak mual pen kikleh ci. Na sunloih daan cu!

⁵ A ngalkap phabel tei vante a lon khawng haw ten hihbu haw in, thihnakah hihbu vawk hawta hi. A hiamnam mangtu tuk pa khat hei um haw ma hi.

⁶ Maw Jakob Pathian, amuhte na paihvawktik ten, a cipuh haw le a khungtute lumin thi khawng haw hi.

⁷ Maw Topa na lauhuai dan hi! Na thinuk ten, akua him na mitmuhin, a ding ngam tuk!

⁸ Na thu khennak cu vancung pen theitik ci. Leipi cu lau leita in phia po ngawlin um hi.

⁹ Lei humah nautat zotsak bawlsiat a thuaktute nunpan tukin le thu khennak thu than tukin na din ten;

¹⁰ Mihing tei thinuknak a um ten nangmah thangphatnak tam dedeuh hi. Ngaldonak pen thi ngawlin a tang ten, Nangma puaite bawl haw tuk hi.

¹¹ Topa na Pathian na elah na thutepsa uhmite cu pia un. Elkim a ngam, nohte vangin a nelah laksawng pia un. Pathian in mihingte cu amah kihca tukin bawl hi.

¹² Kumpi capa tuangkhawngte cu mualphotikin, Kumpi ngengzet vang mullingtik tuk hi.