SAAM LABU 65 - Ngawm Bible

Lungdamnak le Thangphatnak

¹ Maw Pathian aw thu ngetnakte na ngaih hangin, Zion mualah nang cu keimuh tei thangphat tak ci.

² Ka thutep uhmi kimtik tuk ung, mi hempoh cu amuh tei sualnak ca in, Topa i nelah zuan haw tuk hi.

³ Ka sualnak uh a tam leita hei in, ka sualnak uhte zah ci.

⁴ Na ten mite cu mi lungdam hi haw hi; Na mun thiangtho ah na umtik mite, mi lungdam hi haw hi. Na inn a thilpha le na Biakinn thiangtho pen thupha muicute ka nget uh hangin, lungmuangzet tuk ung hi.

⁵ Maw Pathian aw, ka thungetnak uhte hi, ngai in nehnak pia ci. Nalamdangte bawlin keimuh pan ci. Leihum khua le ngam hempoh tuipi kal a um, mihing akua a bangin nangmah muang haw hi.

⁶ Na ngilnak tuah mualte cu tohin, na huham langtik ci.

⁷ Tuipi thum aw le tuicawk thum ngingte daitikin, mi tampi tei buai cecu thawmnging vang, nangmah in daitik ci.

⁸ Nalamdangte na bawl hangin leihum buppi ten lau haw hi. Na thil bawlmi hangin lungdam au thawm cu leipi mawk khat pen mawk khat tianin thangkhawk hi.

⁹ Lei ngam na ih hangin nguah zutik ci. Lei ngampha tukin leihum lei alin bawl ci, Na bawlmi luituite cu kang awng ma hi. Leihumah ankungte potik ci. Mahtizah pha in thil bawl ci.

¹⁰ Nguah tampi zutikin leilehmi lo nomtik ci. Lei nemtikin, ankung pote khangtotik ci.

¹¹ Na phatnak i hangin itih zahin an tam suak him? Na hawhnak hempoh ah ihempoh deihzahin um hi.

¹² Philnel ngamko lak a hamhing umnak munah tuuhon, keelhon umin, mualbawk cu hamhing dimdemin um hi.

¹³ Lo hempoh cu tuuhon tuah dimin, munlawnte cu sangvut nguakcangin dim hi. Ihempoh cu lungdam thatui in, lasa in au haw hi.