SAAM LABU 61 - Ngawm Bible

Himnak Tukin Thungetnak

¹ Maw Pathian aw, ka aunak ngai zal inna, ka thungetnak hu theihsak zalin hi.

² Ka lungbingin vanmawk deng pen nangmah sam ing. Himnak munah khol zalin hi.

³ Ka ngal tei mai pen a pantu cu nangmah hi ci. A khomi Suangpi ah pui zalin hi.

⁴ Ka dam sung hempoh, na puanbuk sungah umtikin hi. Na ha nuai ah himnak cotik zalin hi.

⁵ Maw Pathian aw, ka thutepte thei zo ci. Na ngamah a kihcatu tei covo cotik bok ci.

⁶ Kumpi cu nunkhua sautik zalin, kum tampi nung pepel zal hen.

⁷ Maw Pathian aw, na mai ah kum ngeipi uktu hi zal hen. Na itnak le muantak na hihnak tuah hup zalin hi.

⁸ Ka thutepmite nisial kimtik thahin hi. Na ngamah thangphatnak catngawlin la tuah thangphat tung hi.